گه‌ڕان

Shadow Shadow
سیاسه‌تی

ژنان داوای لە 30%ی پۆستەکانى حکومەتی داهاتوو دەکەن

2019.05.14 - 22:26
ژنان داوای لە 30%ی پۆستەکانى حکومەتی داهاتوو دەکەن
ناس کورد – فواد عەبدوڵا ئەندامێكی ئەنجومەنی باڵای كاروباری خانمان ڕایگەیاند، ئەنجومەنەکەیان بە هاوکاری گروپەکانى تر خانمان جەخت لە زیادکردنی ڕێژەى ژن لە کابینەی داهاتووی حکومەت دەکەنەوە بەشێوەیەک لە 30% کەمتر نەبێت، هاوشێوەى ڕێژەى کورسییەکانى پەرلەمان کە بە یاسا ڕێکخراوە. ئەمەل جەلال، ئەندامی ئەنجومەنى باڵای خانمان بە ناس کورد-ی وت، "لە هاوکاری تەواوی ڕێکخراوەکانى ژنان بە ڕێکخراوە حزبییەکانیشەوە ئامادەکاری دەکەن بۆ دروستکردنی فشار و کەمپین بۆسەر لایەنەکانى پێکهێنەری حکومەت کە نابێت ڕێژەى ژن لە کابینەکەدا لە 30% کەمتر بێت." . ئەمەل جەلال وتیشى، "جیبەجێنەکردنی ئەو میکانیزمە واتای پێشێلکردنی مافی ژنە لە دەسەڵاتی جێبەجێکردندا و حکومەتێکى ناتەواو و نەرێنی دەبێت." ئاماژەى بەوەشکرد، "داکۆکیکاری سەرسەختی هەمیشەیین بۆ چەسپاندنی ماف و توانای ئابوری و سیاسی و فەرهەنگیی ژنانی کوردستان لە هەموو کایەکانى ژیاندا."