گه‌ڕان

Shadow Shadow
چیرۆكه‌كانمان

ئەو دراوانەى كەڵكی مامەڵەیان نەماوە كۆدەكرێنەوە و دەگۆڕدرێنەوە بە دراوى نوێ

2019.04.22 - 23:26
ئەو دراوانەى كەڵكی مامەڵەیان نەماوە كۆدەكرێنەوە و دەگۆڕدرێنەوە بە دراوى نوێ

ناس كورد- فوئاد عەبدوڵا

بانکى ناوەندى ئەو دراوە ناوخۆییانە دەگۆڕێتەوە بە دراوى نوێ، کە دڕاون و بە کەڵک نەماون، بەڕێوەبەری لقى سلێمانى بانكی هەرێم ئاماژە بەوەدەکات، ئەو دراوانە کۆدەکرێنەوە و لە ڕێى هەولێرەوە دەنێردرێنە بانکى ناوەندى.

.

عەبدولڕەحمان ساڵح بەڕێوەبەری لقى سلێمانى بانكی هەرێم تایبەت بە ناس كورد-ی ڕاگەیاند: "هەندێ دەسەڵات هەیە تایبەتە بە ناوەند، ئەو پارانەی كە كەڵیكی یەكجاری نەماوە و ناتوانرێت مامەڵەی پێوەبكرێت، كۆدەكرێتەوە و لە بانكی ناوەند لە بەغداد دەگۆڕدرێت".

.

بەڕێوەبەرى لقسى سلێمانى بانکى هەرێم وتیشی، ئەو دراوانەى کەڵکیان نەماوە لە هەرێم، کۆدەکرێنەوە و دەنێردرێنەوە بۆ هەولێر و پاشان لەوێوە بۆ بانكی ناوەندى عێراق".

.

لە ئێستادا دراوێکى زۆر بەتایبەت ئەوانەى لە بازاڕەکان زۆرترین مامەڵەیان پێوە دەکرێت، بەهۆى دڕان و ڕزینەوە بە کەڵک نەمان، بۆ ئەو مەبەستەش بانکى ناوەندى عێراق ئەو ڕێنماییەى دەکردووە.

.

.