گه‌ڕان

Shadow Shadow
سیاسه‌تی

عەوەز بن عەوف، ئەو کەسەى کودەتای بەسەر عومەر حەسەن بەشیر ـی هاوڕێیدا کرد

2019.04.11 - 15:58
App store icon Play store icon Play store icon
عەوەز بن عەوف، ئەو کەسەى کودەتای بەسەر  عومەر حەسەن بەشیر ـی هاوڕێیدا کرد

کەناڵی ناس کورد لە تێلیگرام جۆین بکە   

ناس کورد_سۆران ڕەشید

عەوەز بن عەوف، جێگری یەکەمی عومەر حەسەن بەشیر، سەرۆکى سودان بوو، دوای ئەوەى سوپا کودەتای بەسەر بەشیردا کرد، عەوەز بن عەوف بووە سەرۆکی ئەنجومەنى سەربازیی کاتیی سودان بۆ بەڕێوەبردنی وڵات.

خۆپیشاندەرانی سودان کە کۆمەڵەى پیشەوەران بەڕێوەی دەبات، عەوەز بن عەوف بە سەرۆکى ئەنجومەنەکە ڕەتدەکەنەوە بەوپێیەى بەشێکە لە ڕژێمی پێشوو و بەشدارە لە خراپ بەڕێوەبردنی سیاسەت و کارگێڕی وڵاتدا، هەر ئەوەش بووە هۆی دواخستنى ڕاگەیاندنی ڕاگەیەنراوی سوپای لەبارەى لەسەرکارلابردنی بەشیر.

 

 

 

 

 

 

 

 

 

 

 

 

عەوەز بن عەوف لە پەنجاکانى سەدەى ڕابردوو لە یەکێک لە گوندەکانی باکوری خەرتومی پایتەخت لەدایک بووە و لە کۆلێژی سەربازیی پلەى ملازمی بەدەستهێناوە، چەند خولێکى ڕاهێنانی سەربازی لە میسر وەرگرتووە و دواتر لە هێزی تۆپهاوێژەکان کاری کردووە و لە کۆلێژی سەرکردە و ئەرکانیش وانەى سەربازیی وتووەتەوە.

بن عەوف لایەنگری بزوتنەوەى ئیسلامی سودانی بوو، کەسێکى نزیکی عومەر حەسەن بەشیر بوو لە کودەتاکەى 1989دا لەدژی حکومەتەکەى سادق مەهدی. پاشان وەک بەڕێوەبەری دەزگای هەواڵگریی و دەستەى هەواڵگریی سەربازیی کاریکردووە.

 

 

 

 

 

 

 

 

 

 

 

وەک جێگری سەرۆکى دەستەى ئەرکانی سوپای سودان کاریکردووە و ساڵی 2010یش لە کاری سەربازیی خانەنشین کرا، دواتر وەک باڵیۆز لە وەزارەتى دەرەوەى کاری کردووە و بووە بە بەڕێوەبەری ئیدارەدانی قەیرانەکان، پاشان بووە بە باڵیۆزی وڵاتەکەى لە قاهیرە و دواتریش بووە بە باڵیۆز لە عوممان.

دوای پێنج ساڵ، عەوەز بن عەوف گەڕایەوە بۆناو دامەزراوە سەربازییەکان و ساڵی ش2015 پۆستی وەزیرى بەرگریی وەرگرت بە مەرسومێکى کۆماریی لەلایەن بەشیرەوە.

لەماوەى کارکردنیدا وەک وەزیرى بەرگریی، هەوڵی بەرەوپێشبردنی سوپای سودانی داوە بە چەکی پێشکەوتوو و جۆراوجۆر، پشتگیری بەشداریکردنی وڵاتەکەى کردووە لە ئۆپراسیۆنى هاوپەیمانی عەرەبی بۆسەر حوسییەکانی یەمەن.

ڕۆژی 23ی شوباتی 2019، عەوەز بن عەوف سەرباری پۆستی وەزیرى بەرگریی، لەلایەن عومەر حەسەن بەشیرەوە بە جێگری یەکەمی سەرۆک هەڵبژێردرا، ئەوەش یەکەمجار بوو لە مێژووی سیاسی بەشیردا ئەو دوو پۆستە بدرێت بە یەک کەس.