گه‌ڕان

Shadow Shadow
سیاسه‌تی

چەند بەرپرسێكى عێراقى ئامانجى سەردانەكەى جێگرەوەکەى قاسم سولەيمانى بۆ عێراق ئاشكرا دەكەن

2020.04.02 - 20:04
چەند بەرپرسێكى عێراقى ئامانجى سەردانەكەى جێگرەوەکەى قاسم سولەيمانى بۆ عێراق ئاشكرا دەكەن
ناس کورد-   چەند بەرپرسێكى عێراقى ئامانجى سەردانەكەى ئيسماعيل قائانى, فەرماندەى فەيلەقى قودسى سەربە سوپاى پاسدارانى ئێران و هەڵوێستى ناوبراو لەسەر پێكهێنانى حكومەتى داهاتوو لەلايەن عەدنان زورفى ڕاسپێردراو بۆ پێكهێنانى حكومەت ئاشكرا دەكەن و تەئكيد دەكەنەوە كە ناوبراو وتويەتى, وڵاتەكەى نايەوێت زورفى ببێت بە سەرۆكوەزيران. ، ئاژانسى "ئەسۆشيەيتد پرێس" لەزارى چوار بەرپرسى عێراقيەوە بڵاويكردوەتەوە، ئامانجى سەردانەكەى قائانى يەكخستنى سەركردە سياسيە شيعيەكانە كە ئێستا دابڕان و لێكدوركەوتنەوەيەك لەنێوانياندا هەيە، ئەمەش لەكاتێكدايە كە دژايەتيەكى زۆرى عەدنان زورفى ڕاسپێردراو بۆ پێكهێنانى حكومەت دەكرێت بەتايبەتى لەلايەن چەند كوتلەيەكى گەورەى شيعەوە. ، ئەو بەرپرسانە ئاماژەيان بەوەداوە، ئيسماعيل قائانى درەنگانێكى ڕۆژى دووشەممە گەيشتوەتە شارى بەغدا ئەوەش يەكەم سەردانى ئاشكراى ناوبراوە لەدواى كوشتنى قاسم سولەيمانى، سەركردەى پێشووى فەيلەقى قودس لەلايەن فڕۆكە بێفڕۆكەوانەكانى ئەمريكاوە لە شارى بەغدا. ، ڕونيشكراوەتەوە، قائانى دواى گەيشتنى بە فڕۆكەخانەى بەغدا پاسەوانيەكى زۆر توند كراوە و سێ ئۆتۆمبێلى لەگەڵدا بووە، سەردانەكەش لەكاتێكدايە كە عەدنان زورفى ڕوبەڕوى بەرگريەكى زۆر دەبێتەوە لەلايەن چينێك لە سياسيە ديارەكان، لەهەمان كاتيشدا دابەشبونێكى قوڵ لەسەر ئاستى سياسيەكان دەبينرێت. ، يەكێك لەو بەرپرسانە بە ئاژانسەكەى وتوە، قائانى لەكۆبونەوەى لەگەڵ سەركردە سياسيەكاندا تەئكيدى لەسەر ئەوە كردوەتەوە كە ئێران و سوپاى پاسداران نايانەوێت عەدنان زورفى ببێتە سەرۆكوەزيرانى داهاتووى عێراق. ، ميليشيا و گروپ و لايەنەكانى سەربە كۆمارى ئيسلامى ئێران لە ديارترينيان هاوپەيمان فەتح بەهەموو شێوەيەك عەدنان زورفى ڕەتدەكەنەوەو بەوە تۆمەتبارى دەكەن كە سەربە بەرەى ئەمريكايە، كۆمارى ئيسلامى ئێرانيش بەردەوام گرژى و ئاڵۆزيەكانى لەگەڵ ئەمريكادا لەناو خاكى عێراق لەزيادبوونە و ئەو وڵاتەش دەيەوێت كەسێك ببێتە سەرۆكوەزيرانى داهاتوو كە لە بەرەى خۆى بێت. ، دواى كوشتنى قاسم سولەمانى و ئەبومەهدى موهەنديس، جێگرى سەرۆكى دەستەى گشتى حەشدى شەعبى، گرژيەكانى نێوان ئەمريكا و ئێران و گروپەكانى سەربە ئێران زياد بوون و ئێران دوو بنكەى سەربازى لە پارێزگاكانى ئەنبار و هەولێر بۆردومان كرد بەبێ ئەوەى هيچ سەربازێك بريندار بێت، بەڵام دواتر دەركەوت دەيان سەرباز توشى شڵەقانى مێشك بوون. ، دواى ئەوەش چەندين جار گروپە ميليشياکان باڵيۆزخاكەى ئەمريكایان لەناوچەى سەوز و سەربازگەكانى ئەو وڵاتەیان لە عێراق بۆردومان كرد و تائێستاش بەهۆيەوە ژمارەيەك سەرباز كوژراون و بريندار بوون، لە تۆڵەى ئەو هێرشە موشەكيانەشدا ئەمريكا چەند جارێك بارەگاى ميليشياكانى بۆردومان كردوە و چەندين سەركردە و چەكدارى حەشدى شەعبى كوژراون. ،  لە كۆتا كاردانەوەشدا هەفتەى ڕابردوو ئەمريكا دەستى كرد بە جێگيركردنى سيستمى بەرگریى موشەكى ئاسمانیى "پاتريۆت" ئەوەش كاردانەوەى ئێران و گروپە ميليشياكانى لێكەوتوەتەوەو ئەو گروپانە هەڕەشەى هێرشى زياتر دەكەن.