گه‌ڕان

Shadow Shadow
سیاسه‌تی

بەرهەم ساڵح: جەختدەکەینەوە لە دابینکردنی خۆراک و هاوکاریکردنی خێزانە کەمدەرامەتەکان

2020.04.02 - 16:26
بەرهەم ساڵح: جەختدەکەینەوە لە دابینکردنی خۆراک و هاوکاریکردنی خێزانە کەمدەرامەتەکان
ناس کورد- لە چوارچێوەی ڕێکارەکانی بەرەنگاربوونەوەی ڤایرۆسی کۆرۆنا و دۆخی ئابوری هاووڵاتیان سەرۆككۆماری عێراق لەگەڵ ھەردوو وەزیری بازرگانی و وەزیری كار و كاروباری كۆمەڵایەتی کۆبووەوە و و جەختی کردەوە لە گرنگی دابینكردنی بەشە خۆراک بۆ ھاووڵاتیان لەڕێگەی كۆبۆنی خۆراك و ھاوکاری خێزانە کەمدەرامەتەکان. ، ئەمڕۆ پێنجشەممە 2ی نیسانی 2020، بەرهەم ساڵح سەرۆککۆماری عێراق لە كۆشكی سەلام لەبەغدا پێشوازیكرد لە محەمەد هاشم عانی، وەزیری بازرگانی و د. باسم عەبدولزەمان، وەزیری كارو كاروباری كۆمەڵایەتی. ، بەگوێرەی ڕاگەیەندراوی کۆبوونەوەکە، لە دیدارەکەدا سەرۆك كۆمار جەختیكردەوە لە پێویستی بەردەوامیدان بە دابینكردنی خۆراك بۆ بازاڕە ناوخۆییەكان و بەشە خۆراكی مانگانە لەرێگەی كۆبۆنی خۆراكەوە بۆ هاووڵاتیان و پەلەكردن لە پێدانی مووچەی چاودێری كۆمەڵایەتی، بەجۆرێک ببێتە مایەیی پشتیوانی و پشتگیری بۆ خێزانە کەمدەرامەتەکان، ھاوکات ببێتە مایەی بەهێزکردنی گیانی هاریكاری و پێكەوەیی لە ناو كۆمەڵگەدا. ، ھەر لە دیدارەکەدا سەرۆك كۆمار دووپاتیكردەوە لە گرنگی پتەوکردنی برایەتی و پێكەوەیی و هەماهەنگی لەم دۆخە سەختەدا بۆ بەرەنگاربوونەوەی ڤایرۆسی كۆرۆنا و سنورداركردنی بڵاوبونەوەی ئەو ڤایرۆسە بەو پێیەی ئاڵەنگارییەكان مەترسیدارە كە هەڕەشە لە سەلامەتی گەلەكەمان و گەلانی جیهان دەكات بە گشتی. ، لەلای خۆیەوە وەزیری بازرگانی پلانی وەزارەتەکەی  خستەروو کە بۆ دابینكردنی بەشەخۆراكی مانگانەی كۆبۆنی خۆراك و بەدواداچونی ئەو رێوشوێنانەی كە ئاسانكاری دەكات بۆ هێنانە ناوەوەی كەلوپەل، ھاوکات راشیگەیاند وەزارەتی بازرگانی تەواوی كادر و تواناكانی خۆی خستۆتە گەڕ لە پێناو دابینكردنی پێداویستییە سەرەتاییەكان بۆ هاووڵاتیان لەم دۆخە تایبەتەی كە هاتووەتە ئاراوە. ، ھەروەھا وەزیری كارو كاروباری كۆمەڵایەتی پلانی وەزارەتەكەی خستەروو بۆ تۆڕی پارێزگاری كۆمەڵایەتی و پەلەكردن لە پێشكەشكردنی پشتیوانی دارایی بۆ پێداویستی رۆژانە و ئەو کەسانەی كە تۆڕی پارێزگاری كۆمەڵایەتی دەیانگرێتەوە بۆ ئەوەی قەرەبوی مانەوەیان لە ماڵ بۆ بكرێتەوە و پێداویستیەكانی ژیانیان بۆ دابین بكرێت لە كاتی بەرەنگاربوونەوەی ڤایرۆسی كۆرۆنا. ، تائێستا لە عێراق بە هەرێمی کوردستانەوە 728 کەس توشی ڤایرۆسەکە بوون و 52 کەسیش گیانیانلەدەستداوە و هاوکات 182 کەسیش چاکبوونەتەوە.