گه‌ڕان

Shadow Shadow
سیاسه‌تی

چەند بەرپرسێک قەدەغەى هاتوچۆیان قۆستووەتەوە بۆ لێدانی بیر و سیاجكردنی زەوی

2020.04.01 - 15:18
 چەند بەرپرسێک قەدەغەى هاتوچۆیان قۆستووەتەوە بۆ لێدانی بیر و سیاجكردنی زەوی
ناس کورد- ئەندامێكی ئەنجومەنی پارێزگای سلێمانی ئاشكرای دەكات، هەندێك خەڵكی دەستڕۆیشتوو لەچەند ناوچەیەكی سنوری سلێمانی بارودۆخی بڵاوبونەوەی ڤایرۆسی کۆرۆنا و قەغدەکردنی هاتوچۆیان قۆستووەتەوە و دەستیانداوەتە لێدانی بیری نایاسایی و سیاجكردنی چەندین دۆنم زەوی. . كاسترۆ مەعروف، ئەندامی ئەنجومەنی پارێزگای سلێمانی بەناس كوردی ڕاگەیاند، بۆ نمونە لە ناوچەكانی ئیدارەی ڕاپەڕین و گەرمیان بەهۆی سەرقاڵی هێزە ئەمنیەكان و حكومەتەوە هەستاون بەلێدانی بیر و سیاجكردنی چەند پارچە زەویییەكەوە. . وتیشی، خۆم زەویم بینیوە 15 دۆنمە و سیاج كراوە، خەڵكی هەژار و نەداریش ناتوانێت بچێت ئەو كارە بكات بەڵكو خەڵكانی دەستڕۆیشتوو ئەو كارانە دەكەن و هەلەكان دەقۆزنەوە. . كاسترۆ داوایەكیشی ئاڕاستەی ئەنجومەنی پارێزگای سلێمانی كرد بۆ ئەوەی سنوری ئەو ناوچانە ئاگادار بكەنەوە بۆ ئەوەی لیژنەی تەجاوزاتی شارەوانیەكان چڕبكەنەوە و چاودێری ئەو دۆخە بكەن. . دوی بڵاوبونەوە ڤایرۆسی كۆرۆنا بەوڵاتانی ناوچەكەدا، حكومەتی هەرێمی كوردستانیش لەسەرەتاكانی مانگی ڕابردووەوە چەند ڕێوشوێنێكی گرتە بەر بۆ دروست نەبوونی قەرەباڵغی و قەدەغەی هاتوچۆ و كەرەنتینە كردنی هاوڵاتیانی لەماڵەكانیاندا ڕاگەیاند و زۆربەی هێزە ئەمنیەكانیشی بۆ سەپاندنی بڕیارەكە تەرخانكردووە و ڕۆژانە زیاتر سەرقاڵی ئەو پرۆسەیەن.