گه‌ڕان

Shadow Shadow
سیاسه‌تی

لەپشت پەردەوە چى ڕوودەدات؟

ڕۆژنامەکەى حزبوڵا پەیامەکانى ئیسماعیل قائانی بۆ سەرکردە شیعییەکان ئاشکرادەکات

2020.04.01 - 14:36
ڕۆژنامەکەى حزبوڵا پەیامەکانى ئیسماعیل قائانی بۆ سەرکردە شیعییەکان ئاشکرادەکات
ناس کورد- ئیسماعیل قائانی، فە رماندەی فەیلەقی قودسیی ئێرانی لە سەردانەکەیدا بۆ عێراق و کۆبوونەوەى لەگەڵ چوار سەكردەكەی شیعە پەیامی گۆڕینی زروفی پێگەیاندوون و جارێكی تریش ئەوەى بە گوێیانداداوە کە تاران نایەوێت كەسێك خزمەتی بەرژەوەندی ئەمریكا بكات ئەو پۆستە وەربگرێت، ئەوەش بەپێی ڕۆژنامەى ئەخبارى سەر بە حزبوڵاى لوبنان. . ڕۆژنامەی ئەخباری لوبنانی كە نزیكە لە حزبوڵای ئەو وڵاتەوە لە ڕاپۆرتێكیدا ئاشكرایكردووە، قائانی بە مەبەستی تاوتوێكردنی چەند پرسێك سەردانی بەغدای كردووە و دوێنێ چاوی كەوتووە بە هەریەكە لە هادی عامری و نوری مالیكی و عەمار حەكیم و واشبڕیارە ئەمڕۆ لە شاری نەجەف چاوی بكەوێت بە موقتەدا سەدر و چەند بەرپرسێكی تری شیعەكان. . سەرچاوەیەكی ئاگاداری كۆبونەوەكەی قائانی بە ڕۆژنامەكەی ڕاگەیاندووە، لەمیانی كۆبونەوەكانیدا لەگەڵ چوار سەركردەكەی شیعەدا قائانی هانیان دەدات بۆ دۆزینەوەی كاندیدێكی تر لەبری عەدنان زروفی، كاندیدی ڕاسپێردراو بۆ كابینەی نوێ عێراق و جەختیش لەوە دەكاتەوە كە تاران دەستوەردان لەلیستی ناوی ئەو كاندیدانەدا ناكات و ئەو كارەی بۆ عێراقییەكان بەگشتی و ماڵی شیعە بەجێ دەھێڵێت. . ئاماژەی بۆ ئەوەش كردووە، قائانی بەسەركردەكانی عێراقی گەیاندووە کە وڵاتەكەی هەر كاندیدێك كەدەربكەوێت دژایەتی ئەوان دەكات ئەوا ڕەتیدەكەنەوە و تەنها خواستی تارانیش لە ماڵی شیعەیە ئەوەیە میكانیزمێك بۆ جێگرەوەی زروفی بدۆزنەوە. . بەپێی لێكدانەوەی ڕۆژنامەكە، پێداگری قائانی لە سەردانەكەیدا بۆ لای بەرپرسانی شیعە چەند ئاماژەیەك پیشاندەدات لەوانە، تائێستاش دۆسیەی سیاسی و حكومڕانی عێراق بەدەستی فەیلەقی قودسەوەیە و گەڕانەوەی بەرپرسانی ئێرانی بۆ هەماهەنگیكردنی نێوان لایەنە شیعەكان و گەڕانەوەی بڕیار بەدەستی عێراقیەكان بەو مەرجەی فەیلەقی قودس نێوەندگیریان بكات و ئێرانیش ناڕازی بێت بەبڕیارەكە ئەوا چارەنوسی باش نابێت. . ڕەتكردنەوەی ئەزمونەكانی پێشوو بەلای تارانەوە بۆ ئەوانەی خزمەتی بەرنامەكانی ئەمریكا دەكەن و تاران كارتەكەی زروفی ڕەتدەكاتەوە كە فشار دەكاتە سەر هاوپەیمانیە سیاسیەكانی بۆ ئەوەی سەرەتا متمانەی پەرلەمانی بەدەستبهێێنت و پەلەكردن لەدیداری بەرپرسانی ماڵی شیعە بۆ دۆزینەوەی جێگرەوەیەك بۆ زروفی دوای ئەوە هات بەهۆی گرژی دۆخەكەوە لەچەند ڕۆژی ڕابردودا درەفەتی دا بە زوروفی بۆ ئەوەی هەوڵی بەدەستهێنانی پشتیوانی چەند لایەنێكی سیاسی بدات كە پێشتر ڕەتیاندەكردەوە پشتیوانی بكەن، ئەمانە و چەند خاڵێكی تر لە گرنگترین لێكدانەوەكانی ئەو ڕۆژنامەیەن لەسەر سەردانەكەی قائانیدا بۆلای چوارینەكانی شیعە. . باسی لەوەش كردووە، تا ئێستاش قائانی بەڵگەی بەهێزی سیاسی بۆ سەردانەكەی بەدەستەوەیە، بەتایبەت بەمدوایانە زروفی پاشەكشەی كردووە و دەشتوانێت لە سەردانەكەیدا هەڵوێستی وڵاتەكەی لەسەر ناوی چەند كاندێكی تری شیعەكان و جێگرەوەی زروفی بخاتە ڕوو.