گه‌ڕان

Shadow Shadow
سیاسه‌تی

هەرێم بۆ بڕیاردان پێویست ناکات بگەڕێتەوە بۆ بەغدا

بەشیر حەداد: بەهیچ شێوەیەک داوام نەکردووە موچەی فەرمانبەران کەمبکرێتەوە

2020.03.31 - 21:32
بەشیر حەداد: بەهیچ شێوەیەک داوام نەکردووە موچەی فەرمانبەران کەمبکرێتەوە
ناس کورد- بەشیر حەداد، جێگری سەرۆکی پەرلەمانی عێراق ڕایگەیاند، لە هیچ شوێنێک داوای نەکردووە و ناشيكات كه موچەی فەرمانبەرانی هەرێمی کوردستان کەم بکرێتەوە و دەڵێت، حکومەتی هەرێم قەوارەیەکی سەربەخۆیە و دەتوانێت خۆی بڕیار بدات. . لە ڕونکردنەوەیەکدا بەشیر حەداد دەڵێت: "ماوەی چەند رۆژێکە چەند کەس و ماڵپەڕ و پەیجێک دەستیان کردووە بە هێرشێکی فراوان بۆسەرم گوایە وتوومە، حکومەتی هەرێمی کوردستان دەتوانێت بە بێ گەڕانەوە بۆ بەغدا مووچەی فەرمانبەرانی هەرێمی کوردستان کەم بکاتەوە". . ئاماژەی بەوەشکردووە: "هەرێمی کوردستان قەوارەیەکی دەستوریيه و پەرلەمان و حکومەتی خۆی هەیە، بۆ بڕیاردان پێویست ناکات بگەڕێتەوە بۆ بەغدا، ئێمە ناخوازین حکومەتی هەرێمی کوردستان مووچە کەم بکاتەوە یان پاشەکەوتی بکات و داوای شتێکی لەو شێوەیەش ناکەین". . جێگری سەرۆکی ئەنجومەنی نوێنەرانی عێراق ڕاشیگەیاندووە: ” ئەوە پەیوەندی بەحکومەتی هەرێمی کوردستانەوە هەیە و کاری من نییە.”  . ئەمە لەکاتێکدایە، بەهۆی دابەزینی نرخی نەوت چەند ڕۆژێکە باس لە کەمکردنەوەی موچەی فەرمانبەران دەکرێت و باس لەوەدەکرێت، حکومەت دەیەوێت لە ڕێگەی جێبەجێکردنی یاسای چاکسازییەوە ئەو کارە بکات.