گه‌ڕان

Shadow Shadow
سیاسه‌تی

زەندەقیان لە درۆنەکانى ئەمریکا چووە

ڕۆژنامەیەك: میلیشیا چەكدارەكانی سەر بەئێران لەعێراق خۆیان بۆ شەڕی ئەمریكا ئامادە دەكەن

2020.03.30 - 10:22
ڕۆژنامەیەك: میلیشیا چەكدارەكانی سەر بەئێران لەعێراق خۆیان بۆ شەڕی ئەمریكا ئامادە دەكەن
ناس کورد-   ڕۆژنامەیەكی ئیسرائیلی ئەوەی ئاشكرا كرد، میلیشیا چەكدارەكانی سەر بەئێران لەعێراق خۆیان بۆ شەڕی ئەمریكا ئامادە كردووە بەڵام لەترسی هێرشكردنە سەریان لەلایەن فڕۆكە بێفڕۆكەوانەكانی ئەمریكا سەركردەكانی ئەو میلیشیایانە خۆیان دەشارنەوە. . ڕۆژنامەی جیرۆزەلیم پۆستی ئیسرائیلی بڵاوی كردووەتەوە، بەچەند ڕێگایەكی جیاجیا میلیشیا چەكدارەكانی سەر بەئێران لەعێراقدا لەدژی هەڕەشەكانی ئەمریكا بۆ سەر چەند كەسایەتی و دەزگایەكی ئێران لەعێراقدا دەوەستنەوە. . ڕۆژنامەكە باسی لەوەش كردووە، لەكاتێكدا لایەنگرانی میلیشیا چەكدارەكانی عەسائیبی ئەهلی هەق ئاهەنگ دەگێرن بەبۆنەی چوونە دەرەوەی هێزەكانی ئەمریكا لەعێراق، بەرپرسانی واشنتۆن پلانی ڕوبەڕووبونەوەی ئەو میلیشیانەیان داڕشتووە. . ئەوەشی خستووەتە ڕوو، میلیشیا چەكدارەكان كە لەلایەن ئێرانەوە لەعێراقدا پاڵپشتی دەكرێن بەشێكن لەشیعەكان و لەشێوەی لیوا ڕێكخراون و دواتر لەساڵی 2017 و 2018 تێكەڵ بەهێزە ئەمنیەكانی عێراق كراون و ئەوانەش چەكداری باشن و خاوەن خەزێنەی چەك و موشەك و چەند چەكێكی تری پێشكەوتوون. . سەركردەكانیان دەرناكەون . بەمدواییانە ئەو گروپانە ئەوەیان ڕاگەیاند، ئامادەی شەڕن لەگەڵ هێزەكانی ئەمریكا،  لەكاتێكدا سەركردەكانیان لەشوێنە گشتیەكاندا دەرناكەون لەترسی هێرشی فڕۆكە بێفڕۆكەوانەكانی ئەمریكا بۆ سەریان. . ڕۆژنامەكە ئاماژەی بۆ ئەوەش كردووە، ئەكرەم كەعبی فەرماندەی میلیشیاكانی نوجەبای عێراق لەمانگی كانوونی دووەمی ئەم ساڵەوە چەندین جار سەردانی ئێرانی كردووە و پلانی هێرشكردنی بۆ سەر هێزەكانی ئەمریكا داڕشتووە. . پێشتریش ئێران عەلی شەمخانیی سەرۆكی ئەنجومەنی باڵای ئاسایشی نەتەوەیی وڵاتەكەی بۆ بەغدا نارد بەمەبەستی هەماهەنگیكردن لەگەڵ میلیشیاكاند و بەردەوامی فشار خستنە سەر ئەمریكا. . هەر بەپێی ڕۆژنامەكە لەچەند هەفتەی ڕابردووشدا، میلیشیاكانی حزبوڵای عێراقی ڕاهێنانە سەربازییەكانی چڕكردووەتەوە، ئەوەش وەكو ئامادەكارییەك بۆ هەر هێرشێكی ئەمریكا لەدژیان. . ئەوەش لەكاتێكدایە زۆر نیە چەند سەركردەیەكی ئەو گروپانە وەكو شیخ محەمەد كەوسەرانی نوێنەری حزبوڵای لوبنانی لەعێراق و قەیس خەزعەلی فەرماندەی میلیشیاكانی عەسائیب لەلایەن واشنتۆنەوە خرانە لیستی تیرۆرەوە. . ئامادە سازییەكان چۆن دەكرێت..؟ . بەپێی شیكردنەوە ڕۆژنامەوانییەكان، هەموو ئەو تێبینیانە ئامادەسازیی ئەو میلیشیانە بۆ ڕووبەڕووی هێزەكانی ئەمریكا ڕووندەكەنەوە، ئاماژە بۆ ئەوەش كراوە، بەرپرسانی ئەمریكا و سەركردە سەربازییەكانیان بەردەوام هۆشداریان لەسەر ئەگەری هێرشی ئەو میلیشیانە پێیاندراوە. . ڕۆژنامە ئیسرائیلیەكە ئەوەشی دركاندووە، واشنتۆن ئەوەی ڕاگەیاند كە دووبارە هێزەكانیان دابەشدەكاتەوە و هەندێك دیپلۆماتكار و ڕاهێنەریش دەکشێنێتەوە، ئەوەش وەك ئاماژەیەك بۆ ئامادەسازی ئەمریكا بۆ هەر وەڵامێكی دەستدرێژیكردنە سەر بەرژەوەندییەكانیان لەعێراقدا. . ڕۆژنامەکە دەشڵێت، ئەنجامدانی هەر چالاكیەكی میلیشیاكان دەبێت بەفەرمانی ئێران بكرێت ئەوانەشی كە ئێستا دەیانكات لەچوارچێوەی قۆناغی پڕۆپاگەندەدایە، بۆ ئەوەی بۆ فشارێكی سیاسی بەكاری بهێنێت بەتایبەت ئەو میلیشیایانە نوێنەرایەتیان لەپەڕلەماندا هەیە. . لەكۆتایی ڕاپۆرتەكەشیدا جیرۆزەلیم باسی لەوەش كردووە،دەبێت سەركردەی ئەو میلیشیایانە بڕیاری ئەوە بدەن ئایا بەڕاستی خۆیان بۆ ڕوبەڕوبونەوەی ئەمریكا ئامادەن كە ئەوەش دەستكەوتەكانیان كە كۆیان كردووەتەوە لەعێراقدا دەخاتە مەترسیەوە. دەشڵێت، گەرچی ئەمریكا نیگەرانە لەهەر هێرشیك لەلایەن میلیشیاكانەوە بۆ سەری بەڵام لەبەرامبەریشدا پنتاگۆن پلانی قەڵاچۆكردنی حزبوڵای ئامادە كردووە. .