گه‌ڕان

Shadow Shadow
سیاسه‌تی

بەشی موچە دەکات؟

پەرلەمانتارێک داهاتی مانگی ڕابردووی حکومەتی هەرێم ئاشکرا دەکات

2020.03.28 - 17:38
پەرلەمانتارێک داهاتی مانگی ڕابردووی حکومەتی هەرێم ئاشکرا دەکات
ناس کورد- لە بەردەوامی گرفتەکانی دابەشکردنی موچە لە هەرێمی کوردستان و وتەی بەشێک لە پەرلەمانتارانی کورد لە بەغدا کە دوو موچە لە بەغداوە هاتووە لە ماوەی کەمتر لە مانگێکدا، ئەندامێکی لیژنەی دارایی لە پەرلەمانی عێراق ئاشکرای دەکات، داهاتی مانگی شوباتی هەرێم ترلیۆنێک و 500 ملیار دینار بووە. . ئەحمەدی حاجی ڕەشید، ئەندامی لیژنەی دارایی لە پەرلەمانی عێراق لە هەژماری خۆی لە تۆڕی کۆمەڵایەتی فەیسبوک داهاتی حکومەتی عێراق و هەرێمی کوردستانی بۆ مانگی شوبات ئاشکراکردووە و ئاماژەی بەوەشکردووە، بەغدا بۆ مانگی سێ کێشەی پارەی نەوتی نەبووە. . ئەو ئەندامەی لیژنەی دارایی ئاماژەی بەوەکردووە: "عێراق لەمانگی شوباتدا بڕی زیاتر لە 98 ملیۆن بەرمیل نەوتی فرۆشتووە، بەرمیلی بە 51.37 دۆلار و داهاتەکەی زیاتر لە پێنج ملیار دۆلار بووە، بۆیە بۆ مانگی سێ واتە ئادار کێشەی پارەی نەوتی نەبوە، لەهەمانکاتدا داهاتەکانی دیکەشی لە گومرگ و باج و داهاتەکانی دیکە هەر هەبووە." . ئەحمەدی حاجی ڕەشید ئەوەشی خستووەتەڕوو: "سەبارەت بە هەرێمی کوردستان ئەگەر خەمڵاندنیک بکەین بۆ داهاتەکانی مانگی شوبات، ئەگەر هەرێم ڕۆژانە 520 هەزار بەرمیل نەوتی فرۆشتبێت، واتە لە ماوەی مانگێکدا بڕی 15 ملیۆن و 600 هەزار بەرمیل نەوتی فرۆشتووە، جگە لە ناردنی بەتەنکەرو بۆ پاڵاوگەکان، چونکە هەرێم بە پاڵاوگەکانیش بەنرخی نزیک لەجیهانی دەیفرۆشێت". . بەگوێرەی داتاکانی ئەحمەدی حاجی ڕەشید، هەرێم لە فرۆشتنی نەوت بە تەنها بۆری بڕی 795 ملیۆن و 600 هەزار دۆلاری دەستکەوتووە، ئەگەر داهاتی ناوخۆشی 200 ملیار بێت ئەوا زیاتر لە ترلیۆنیک دیناری بەدەست کەوتوە و 441 ملیاری حکومەتی عێراقیشی بۆ هاتووە، واتە هەرێم بە زیاتر لە یەک ترلیۆن و 500 ملیاری هەبووە لەمانگی شوباتدا . . ئەو پەرلەمانتارە کوردەی بەغدا ئاماژەی بەوەشکردووە: "بۆئەوەی بێویژدانی نەکەم لە فرۆشتنی نەوت هەرێم تێچوی دەرهێنان دەدات کە دەوترێت لە %56ی پارەی نەوت دەچێت بۆ قەرزو تێچووی نەوت کە ناڕوونی هەرێم ئالەمەدایە بۆ جێگەی خۆیەتی هەموو گومانە خراپەکانی پێببرێت کە کەس نازانێت جگە ژمارەیەک کە لە پەنجەکانی دەست تێناپەڕن زانیاریان هەیە، بۆیە هەمیشە بڕی 395 ملیار دینار دەنێرنە وەزارەتی دارایی هەرێم، خۆ ئەگەر ئەو بڕەشی لێدەرکەین زیاتر لە ترلێۆن دەمێنێتەوە، ئەی کوا؟". . ئەمە لەکاتێکدایە، لە چەند ڕۆژی ڕابردوودا و دوای گەیشتنی پارەی موچەی فەرمانبەرانی هەرێم لە بەغداوە، چەند پەرلەمانتارێکی کورد لە بەغدا ڕایانگەیاند، لە ماوەی 23 رۆژدا بەغدا دوو جار پارەی موچەی فەرمانبەرانی هەرێمی ناردووە و دەبێت حکومەت دوو موچە دابەش بکات، بەڵام حکومەتی هەرێم ئەوەی ڕەتکردەوە.