گه‌ڕان

Shadow Shadow
سیاسه‌تی

وەزارەتی تەندروستی: 10 حاڵەتی دیکەی کۆرۆنا لە هەرێم تۆمارکرا

2020.03.27 - 14:22
وەزارەتی تەندروستی: 10 حاڵەتی دیکەی کۆرۆنا لە هەرێم تۆمارکرا
ناس کورد- وەزارەتی تەندروستیی هەرێم ڕایگەیاند، لە دەرئەنجامی پشکنینەکانی 24 کاتژمێری ڕابردوودا 10 حاڵەتی دیکەی کۆرۆنا تۆمارکراوە کە پێنج کەسیان لە دهۆک، چوار کەس لە هەولێر و کەسێکیش لە سلێمانییە کە شەوی ڕابردوو ڕاگەیەندرا. ، لە ڕاگەیەندراوی ڕۆژانەی خۆیدا، وەزارەتی تەندروستیی هەرێم بڵاویکردەوە: "ژمارەی هاوڵاتیان لە کەڕەنتینەکان (٥١٤٤) هاوڵاتی بوون لە (٣٤) شوێنی جیاواز، لەئێستادا تەنها (١٦٥١) هاوڵاتی لە کەرەنتین ماونەتەوە (٧٠٠) لە هەولێر، (٢٧٥) لە سلێمانی، (٥٦٦) لە دهۆك، (٤٢) لە هەلەبجە، (٩) لە گەرمیان، (٣٩) لە ڕاپەرین، (٢٠) لە کۆیە وە (٣٤٩٣) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە ٢٤ کاتژمێری ڕابردوو کە کۆی گشتی بریتی بوو (٩٤) هاوڵاتی. ، ئاماژە بەوەشکراوە، لەماوەی ٢٤ کاتژمێری ڕابردوو (٤٧٧) پشکنین کراوە، (٣١١) هەولێر، (٩٩) سلێمانی، (٦٧) دهۆك. ، دەرەنجام (١٠) تووشبووی نوێ تۆمارکرا وە بەم شێوەیەی خوارەوە:-  
  • پارێزگای هەولێر (٤) پۆزەتیڤ، کە (١) ئافرەت تەمەن (٢٨) ساڵ و (٣) گەنچ تەمەنیان (١٥)، (١٨)، (٢٦) ساڵ کە بەرکەوتەی تووشبووی پێشووە.
  • پارێزگای سلێمانی (١) پۆزەتیڤ، کە ئافرەتێکی تەمەن (٥٦) ساڵ بەرکەوتەی تووشبووی پێشووە.
  • پارێزگای دهۆك (٥) پۆزەتیڤ، کە هەموویان یەك خێزانن (١) پیاو تەمەن (٤٥) ساڵ کە لە ووڵاتی بەریتانیا گەڕاوەتەوە، (١) ئافرەت تەمەن (٣٩) ساڵ، (٢) گەنج تەمەنیان (١٤)، (١٣) ساڵ، (١) منداڵ تەمەن (٥) ساڵ.
، ئەوەش هاتووە، کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١١٣) تووشبوو، لەنێویاندا (٢) مردن هەیە و (٣٩) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان. ، وەزارەتی تەندروستی وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان ئاماژەی بەوەکردووە، جارێکی تر تکا دەکەن هاوڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و بەرکەوتەی کەسی تر نەبن وە لەکاتی پێویستدا پەیوەندی بکەبن بە هێڵی گەرمی ژمارە (١٢٢).