گه‌ڕان

Shadow Shadow
سیاسه‌تی

لە ڕێگەی هەماهەنگی نێودەوڵەتییەوە نزیکەی دوو ملیار دۆلار کۆدەکەینەوە

 نەتەوە یەکگرتووەکان:کۆرۆنا هەڕەشەیەکی گەورەیە بۆ سەر هەموو مرۆڤایەتی 

2020.03.25 - 20:54
 نەتەوە یەکگرتووەکان:کۆرۆنا هەڕەشەیەکی گەورەیە بۆ سەر هەموو مرۆڤایەتی 
ناس کورد- ئەمیندارى گشتیی رێکخراوى نەتەوە یەکگرتووەکان، ڕایگەیاند، ڤایرۆسی کۆرۆنا هەڕەشەیەکی گەورەیە بۆسەر هەموو مرۆڤایەتی و دەبێت هەمووان هاوکاری یەکتربین لە ڕزگارکردنی مرۆڤایەتی لەو پەتا کوشندەیە. . ئەمڕۆ (چوارشەممە، 25ى ئاداری 2020)ئەنتۆنیۆ گۆتێرس، ئەمیندارى گشتی نەتەوە یەکگرتووەکان، لە میانی بانگەوازێکی بۆ پڕۆژەی" پلانی بەدەمهاتنی مرۆڤایەتی جیهانی" کە بڕیارە ئەو پلانە تا مانگی کانوونی دووەمی داهاتوو بەردەوام بێت بۆ بەرەنگاربوونەوەی ڤایرۆسی کۆرۆنا وتی :"ڤایرۆسی کۆرۆنا کە ناسراوە بە کۆڤید 19 هەڕەشەیە بۆ سەر هەموو مرۆڤایەتی". . گوتێرس لەمیانی وتەکەیدا لە ڕێگەی ڤیدیۆ کۆنفرانسەوە ئاماژەی بەوە کرد "نەتەوە یەکگرتوەکان، دەستی بەپلانێکی مرۆیی لەسەرتاسەری جیهان کردوە بۆ ڕوبەڕوبونەوەی دەرئەنجامەکانی پەتای کۆرۆنا، پلانەکە بۆ داکۆکی و پارەدارکردنی ئەو ڕێکخراوانەیە کە کار دەکەن بۆ بنبڕکردنی ڤایرۆسی کۆرۆنا". . ئەمینداری گشتیی نەتەوە یەکگرتووەکان، ئەوەشی خستەڕوو لە ڕێگەی هەماهەنگی نێودەوڵەتییەوە بەنیازن نزیکەی دوو ملیار دۆلار کۆبکەنەوە و دەشڵێت:"هاوکاری وڵاتەکان بۆ بەرەنگاربوونەوەی ڤایرۆسی کۆرۆنا ئەرکێکی ئەخلاقییە". . کۆرۆنا ڤایرۆسێکی کوشندەیە و ڕێکخراوی تەندروستیی جیهانی وەک پەتای جیهانی پۆڵێنیکردوە، ئەو ڤایرۆسە تا ئێستا لە نزیکەی 180 وڵاتدا بڵاوبوەتەوە و لەسەرتاسەری جیهاندا، زیاتر لە 450 هەزار حاڵەتی توشبون تۆمارکراوە، 20 هەزار و 494 کەسیش بەهۆی ڤایرۆسەکەوە مردون. .