گه‌ڕان

Shadow Shadow
سیاسه‌تی

كۆمپانیایەكی ئەڵمانی نزیكبوونەوەی لە بەرهەمهێنانی ڤاكسینێکی دژە كۆرۆنا ڕاگەیاند

2020.03.19 - 16:34
كۆمپانیایەكی ئەڵمانی نزیكبوونەوەی لە بەرهەمهێنانی ڤاكسینێکی دژە كۆرۆنا ڕاگەیاند
ناس کورد-   كۆمپانیای كۆرۆڤاكی پزیشكی ئەڵمانیی ڕایدەگەیەنێت، نزیكبونەتەوە لەبەرهەمهێنانی ڤاكسینێك لەدژی كۆرۆنا و هاوینی ئەمساڵ لەسەر مرۆڤ تاقی دەكەنەوە. ،  فریدریك ڤۆن پۆهڵن، كۆمپانیای كۆرۆڤاكی ئەڵمانی بۆ دروستكردنی دەرمان ڕایگەیاندووە، بەمنزیكانە دەستدەكەن بەتاقیكردنەوەی پێش كلینیكی و ڤاكسینێك لەسەر ئاژەڵان تاقیدەكەنەوە و بۆ هاوینیش ڤاكسینەكە لەدژی كۆرۆنا لەسەر مرۆڤ تاقی دەكەنەوە،  بەڵام پێویستە بڕی پێویست بۆ ئەو كارە دەستنیشانبكەن. ، لەوەڵامی كەى پرسیاری كە ڤاكسینەكە دەردەكەوێت، پۆهڵن وتویەتی، كارەكە پشت دەبەستێتە سەر فاكتەرێك لەوانە شێوازی پەڕەسەندنی ئەو پەتایە و لەكاتی تەواوبوونی كاروبارەكانی ڤاكسینەكە دڵنیا نین كەی تەواودەبن. ، بەڕێوەبەری ئەو كۆمپانیا پزیشكیەی ئەڵمانیا ئاماژەی بۆ ئەوەش كردووە، گەر ڕەزامەندی لەسەر ڤاكسینەكەدا درا، كۆمپانیاكەیان دەتوانێت لەماوەی ساڵێكدا ملیۆنەها ڤاكسین بەرهەمبهێنێت، بەڵام بۆ ئەوەش پشتدەبەستێتە سەر قەبارە و خواست لەسەری لەلایەن مرۆڤەوە. ، ڕوونیشی كردووەتەوە، گەر ڕێژەی كەم بۆ هەر مرۆڤێك مایكرۆگرامێك بێت ئەوكات لەیەك كیلۆگرام ملیارەها ڤاكسین بەرهەمدەهێنن و گەر قەبارەكە گەیشتە زیاتر لە مایكرۆگرامێك بۆ هەر مرۆڤێك ئەوكات بڕەكەشی زۆرتردەبێت. ، لەبارەی داواكاری ترەمپ بۆ كڕینی ئەو ڤاكسینە لەئەڵمانیا، پۆهڵن وتوویەتی، لەلایەن حكومەتی ئەمریكییەوە داوایەكی لەو جۆرەیان لێنەكراوە، بەڵام بەدوری نازانێت ئەو داوایە لەلایەن ئەمریكاوە یاخود هەر وڵاتێكی ترەوە بخرێتە بەردەستیان. ، ئەوەش لەكاتێكدایە، چەند رؤژێك پێش ئێستا ئەمریكا بەهاوكاری دوو كۆمپانیای تایبەتمەندی پزیشكی یەكەمین تاقی كردنەوەی ڤاكسینێكی دژە كۆرۆنای لەلاشەی ژنێكدا ڕاگەیاند و چەند وڵاتێكی تریش هەوڵەكانیان لەوبارەیەوە خستووەتە گەڕ.