گه‌ڕان

Shadow Shadow
سیاسه‌تی

ئاسایشى هەولێر: بکوژانى هاوڵاتییەک دەستگیرکران

2020.03.18 - 15:25
ئاسایشى هەولێر: بکوژانى هاوڵاتییەک دەستگیرکران
ناس كورد- ئاسایشى هەولێر دەستگیرکردنى دوو کەسى ڕاگەیاند، کە دانیان بەوەداناوە هاوڵاتییەکیان کوشتووە بەمەبەستى دزىنى پارە و ئۆتۆمبێلەکەى. . بەپێی ڕاگەیەنراوێکى ئاسایش، دواى ئەوەى لە رێکەوتی 27-2-2020 تەرمی هاوڵاتى دەشتی فیصل محی الدین بە کوژراوی دۆزرایەوە، تیمەکانیان هەڵسان بە بەدواداچون و کۆکردنەوەی بەڵگەی تاوان. . ئاماژە بەوەشکراوە، "لەئەنجامدا توانیان دوو تاوانبار بەناوەکانی (م.ا.م)، (و.ع.ف) دەستگیر بکەن کە دانیشتووى شاری هەولێرن و هەڵسابوون بە کوشتنی ناوبراو بەمەبەستی دزینی پارەو ئۆتۆمبێلەکەی". . ئاسایشى هەولێر باسى لەوەشکردووە "تاوانباران دانیان بە تاوانەکەداناوە و لەسەر فەرمانی دادوەر بە ماددەی 624 ى یاسای سزادانی عێڕاقی بەندکراون و ڕێککارە یاساییەکانیان لەبەرانبەر دەگیرێتەبەر".