گه‌ڕان

Shadow Shadow
سیاسه‌تی

شیعەكان لەڕەتكردنەوەی زورفیدا پەرتەوازەن و یەكدەنگ نین

هادی عامری بە تەلەفۆن ڕەزامەندی لەسەر عەدنان زورفی داوە و ئێرانیش سەرقاڵی کۆرۆنایە

2020.03.18 - 12:41
هادی عامری  بە تەلەفۆن ڕەزامەندی لەسەر عەدنان زورفی  داوە و ئێرانیش سەرقاڵی کۆرۆنایە

ناس کورد-

بەپێی ڕاپۆرتێكی ڕۆژنامەی عەرەبی، هەڵوێست و كەشوهەوای لایەنە سیاسیەكانی نزیك لە كۆماری ئیسلامی ئێران لە عێراقدا یەك نییە لەسەر ڕەتكردنەوەی عەدنان زورفی، كاندیدی ڕاسپێردراو بۆ پێكهینانی كابینەی نوێ و پەرتبوونیان پێوە دیارە. .

ڕەتكردنەوەی زورفی لەلایەن هاوپەیمانی فەتحەوە بۆ پێكهینانی كابینەكە دوای ڕاسپاردنی لەلایەن بەرهەم ساڵحەوە، سەرەنجێكە بۆ ڕووبەربوونەوە چاوەڕوانكراوەكەی نێوان دوو بەرەی سیاسی، یەكەمیان پەیوەندی بە ئەمریكاوە هەیە و دووەمیشیان لە كەشوهەوای ئێراندا دەخولێتەوە.

 

 زورفی سەر بە باڵێكی شیعەیە كە نزیكە لە حەیدەر عەبادی، سەرۆكوەزیرانی پێشووی عێراق و یەكێكە لە كاندیدەكانی لیستەكەی بۆ هەڵبژاردنەكەی مانگی ئایاری 2018. . لەدوو ڕۆژی ڕابردوودا و پێش بە فەرمی ڕاسپاردنی عەدنان زروفی بۆ كابینەكە، هاوپەیمانی فەتحی هادی عامری ناوبراوی ڕەتكردەوە و دوای ڕاسپاردنیشی، ئەو هاوپەیمانیتە كارەكەی سەرۆككۆماری بە پێشیلكاری دەستور ناوبرد.

 

بەڵام سەرچاوەیەكی ئاگادار بە ڕۆژنامەی عەرەبی ڕاگەیاندووە، مشتومڕێكی فراوان لەناو هێزەكانی هاوپەیمانی فەتح لەسەر ڕاسپاردنی زورفی هەیە بەتایبەت دوای ئەوە ئاشکرابوو کە هادی عامری لە پەیوەندییەکی تەلەفۆنیدا لەگەڵ بەرهەم ساڵح ڕەزامەندی دەربڕیوە بە دانانی عەدنان زورفی. . سەرچاوەكە جەختی لەوە كردووەتەوە کە بەشێك لە هاوپەیمانی فەتحیش بە زورفییان ووتوە كە ئەوان دژایەتی ناكەن، دوای ئەوەی لەوە دڵنیابوون كە پشتیوانی بۆ وەرگرتنی پۆستەكە بەدەستدەهێنیت. .

 

دەشڵێت، هەڵوێستی ئاشكرای فەتح لەسەر پرسەكە پێچەوانەی بۆچوونی هەموو هێزە ناوخۆییەكانی ناوی نییە.

 

 ئەوەشی ڕوونكردووەتەوە، ئەو جۆرە لە پشێوییە بۆ ئەوە دەگەڕێتەوە پاڵپشتیەكانی ئێران لەئێستادا بەهۆی سەرقاڵبونی بەدۆخی ناوخۆیەوە دوای بڵاوبونەوەی كۆرۆنا جۆرێك پاشەكشەی كردووە و بایەخی بۆ دۆسییەكانی عێراق كەمبووەتەوە.

 

گەرچی لەگەڵ ڕاسپاردنی زورفیدا هاوپەیمانی فەتح خەریكە كەرتی تێدەكەوێت لەسەر پرسەكە، بەڵام دەرگای تەواوەتیشیان بەڕوویدا دانەخستووە بەتایبەت باسی مەرج بۆ پشتیوانی دەكەن.

 

لەو چوارچێوەیەدا، كەریم علیوی، پەڕلەمانتاری ئەو هاوپەیمانییە ڕایگەیاندووە، دەنگ بەكابینەكەی زروفی نادەن گەر بێتوو دەركردنی هێزەكان ئەمریكا  لەعێراق نەخاتە ناو كارنامەی حكومەتەكەیەوە.

 

لای خۆشیەوە جەواد تەیباوی، سەركردەیەكی دیاری عەسائیبی ئەهلی هەق لە عێراق كە پەیوەندییەكی توندۆڵی لەگەڵ سوپای پاسداراندا هەیە ڕایگەیاندووە، زۆربەی لایەنە عێراقییەکانی بەرخۆدان دژی ئەمریكا لەگەڵ دانانی عەدنان زورفیدا نین بەڵام بەوتەی ئەو: نە لەو دەترسن و نە لە گەورەكانی كە مەبەستیان ئەمریكایە.

 

پێشتریش تەیباوی هەڕەشەی ئەوەی كرد گەر بێتو بەرهەم ساڵح عەدنان زورفی ڕابسپێرێت ئەوا زەوی و ئاسمان وەردگێڕنە سەر یەكدا. . حەسەن سالم، پەرلەمانتاری عەسائیب دەڵێت، ڕاسپاردنی عەدنان زورفی ناپاکیکردنە لە خوێنی شەهیدان.

 

ئەو پەرلەمانتارەی سائیرون هاوپەیمانی نەسر و بەرهەم ساڵح بەو كارە تۆمەتبار دەكات.

 

ئەحمەد میالی، مامۆستای زانستە سیاسیەكان لە زانكۆی بەغدا بە ڕۆژنامەكەی وتووە، هاوپەیمانی فەتح قیبلەنومای سیاسی لەپرسی سەرۆكوەزیراندا لەدەستداوە و واباشترە پردی هاریكاری لەگەڵ زورفیدا بۆ تێپەڕاندنی دۆخەكە دروست بكات.


ئەو پسپۆڕە وای بۆ دەچێت زروفی متمانەی پەرلەمان بەدەستبهێنیت. . میالی دەشڵێت، بارودۆخی ئێستای سیاسی پاڵپشتە بۆ زورفی  و بە وتەی ئەو، كاندیدە نوێیەكە توانانی بەرێوەبردنی قۆناغەكەی هەیە و دەزانێت چۆن وەرچەرخان و ئاڵۆزییەكان بگۆڕیت گەر لایەنە سیاسیەكان هاریكاری بن.