گه‌ڕان

Shadow Shadow
سیاسه‌تی

هاوپەیمانى فەتح لەسەر راسپاردنى زورفى هاتە دەنگ لە پەرلەمان تێناپەڕێنرێت  

2020.03.17 - 15:55
هاوپەیمانى فەتح لەسەر راسپاردنى زورفى هاتە دەنگ  لە پەرلەمان تێناپەڕێنرێت  
ناس كورد- پەرلەمانتارێکی هاوپەیمانی فەتح، ڕایگەیاند، ڕاسپاردنی زورفی بۆ پۆستی سەرۆکوەزیرانی عێراق لەلایەن سەرۆککۆمارەوە بە پێچەوانەی خواستی گەورەترین هاوپەیمانی بووە، ڕەتیشکردەوە زورفی بتوانێت متمانەی پەرلەمانی عێراق بەدەستبهێنێت. . ئەمڕۆ( سێشەممە، 17ئاداری2020) کریم علێوی، پەرلەمانتاری هاوپەیمانی فەتحی سەر بە هادی عامری،ڕایگەیاند:" کابینەکەی زورفی کابینەیەکی لاواز دەبێت، چونکە بەپاڵپشتی حەیدەرعەبادی، کورد وسونە پێکهاتووە". . وتیشی:" تەمەنی کابینەکەی زورفی هەروەک کابینەکەی عەلاوی دەبێت لە 30 ڕۆژ تێپەڕناکات، چونکە لەسەر بنەمایەکی بە هێزوپتەو نەهاتووەتە کایەوە". . علێوی ئاماژەی بەوە کردوە:"هاوپەیمانی فەتح بەهیچ شێوەیەک لەگەڵ ڕاسپاردنی زورفی نییە و پێشتریش ئەو کەسایەتیەی ڕەتکردوەتەوە". . بەوتەی علێوی:"ڕاسپاردنی زورفی لە ئەنجامی ڕێککەوتنە ژێربەژێرەکانی سەرۆککۆماربووە کە بەپێچەوانەی خواستی گەورەترین هاوپەیمانی ناو پەرلەمانی عێراقە". . پەرلەمانتارەکەی فەتح ،ئەوەی خستەڕوو:"هەڵوێستی سەرۆککۆمارلەگەڵ هاوپەیمانی فەتح هەڵوێستێکی تەمومژاوی بووە، سەرباری جەختکردنەوەی هاوپەیمانی فەتح لە ڕەتکردنەوەی زورفی، بەڵام سەرۆککۆمار هەر ڕایسپارد". . علێوی، جەختیکردوەتەوە، هاوپەیمانی فەتح پشتگیری لە زورفی ناکات، ئەوانەی پشتگیری لێدەکەن تەنها پەرلەمانتارەکانی کورد وسونەن لە گەڵ  هاوپەیمانییەکەی حەیدرعەبادی لە پەرلەمانی عێراق، ئەوانە واژوویان بۆ بەربژێرکردنی زورفی کۆکردوەتەوە وناردوویانە بۆ سەرۆککۆمار ئەوەش کارێکی نادەستوری و نادروستە. .