گه‌ڕان

Shadow Shadow
سیاسه‌تی

هاتوچۆی نێو گەڕەکەکانیش سنوردا دەکرێت

لە سبەینێوە ڕێکارەکانی قەدەغەکردنی هاتوچۆ لە سلێمانی توندتر دەکرێت

2020.03.14 - 18:51
لە سبەینێوە ڕێکارەکانی قەدەغەکردنی هاتوچۆ لە سلێمانی توندتر دەکرێت
ناس کورد- لە سبەینێوە بەڕێوەبەرایەتی پۆلیسی سلێمانی ڕێکاری نوێ لەبارەی قەدەغەکردنی هاتوچۆی هاووڵاتیان دەگرێتەبەر و بەگوێرەی ڕێکارەکان، هاتوچۆ لەنێو گەڕەکەکانیش سنوردار دەکرێت و بۆ کڕینی پێداویستییەکان مۆڵەت لە هاووڵاتیان وەردەگیرێت تا دەگەڕێتەوە.  . ئەمڕۆ شەممە، 14ی ئازاری 2020، لە ڕاگەیەندراوێکدا بەڕێوەبەرایەتی پۆلیسی سلێمانی ڕایگەیاند: "به‌مه‌به‌ستی پاراستنی ته‌ندروستی هاوڵاتیان و رێگریكردن له‌ بڵاوبونه‌وه‌ی زیاتری ڤایرۆسی كۆرۆنا له‌ سلێمانی، هاووڵاتیان ئاگادار ده‌كه‌ینه‌وه‌ سبه‌ینێ یه‌كشه‌ممه‌ 15ی ئاداری 2020، رێكاری نوێ له‌شاری سلێمانی ده‌گیرێته‌به‌ر". . ڕێکارە نوێیەکانی بەڕێوەبەرایەتی پۆلیسی سلێمانی: 1- كردنه‌وه‌ی دوكانی نانه‌واخانه‌ و فڕنی سه‌مون و ماركێتی گه‌ڕه‌كه‌كان له‌گه‌ڵ ده‌رمانخانه‌ و دوكانی سه‌وزه‌ و میوه‌. . 2- دلیڤه‌ری و گواستنه‌وه‌ی سه‌وزه‌ و میوه‌ بۆ ماڵه‌كان رێگه‌پێدراوه‌. . 3- هاتنه‌ ده‌ره‌وه‌ی هاوڵاتیان به‌پیاده‌ به‌مه‌به‌ستی كڕینی پێداویستی ته‌نها له‌ سنوری گه‌ڕه‌كه‌كانی خۆیاندا ده‌بێت. .  4- بۆ كڕینی پێداویستی‌ مۆڵه‌تی شۆفێری و سه‌نه‌وه‌ی ئۆتۆمبێل له‌هاوڵاتیان وه‌رده‌گیرێت تا ده‌گه‌ڕیته‌وه. . ‌5- ته‌نها رێگه‌ به‌ هاتوچۆكردنی فه‌رمانگه‌ خزمه‌تگوزارییه‌كانی ئاو و كاره‌با و ته‌ندروستی و شاره‌وانی له‌گه‌ڵ هێزه‌ ئه‌منییه‌كان رێگه‌پێدراون. .  6- گه‌یاندنی نه‌خۆش بۆ نه‌خۆشخانه‌كان رێگه‌پێدراوه‌. . بەڕێوەبەرایەتی پۆلیسی سلێمانی ئاماژەی بەوەشکردووە: "داواكارین هه‌مولایه‌ك پابه‌ندبن پێوه‌ی، به‌پێچه‌وانه‌وه‌ ناچارین رێكاری پێویست به‌رامبه‌ر سه‌رپێچیكاران بگرینه‌به‌ر".