گه‌ڕان

Shadow Shadow
سیاسه‌تی

مەسرور بارزانی داوا لە خاوەن موڵکەکان دەکات ئەرکی سەرشانی کرێچییەکان سوک بکەن

2020.03.14 - 18:13
مەسرور بارزانی داوا لە خاوەن موڵکەکان دەکات ئەرکی سەرشانی کرێچییەکان سوک بکەن
ناس کورد- لە پەیامێکدا سەرۆکی حکومەتی هەرێم باسی لە لێکەوتەکانی بڵاوبوونەوەی ڤایرۆسی کۆرۆنا لە هەرێم کرد و ئاماژەی بەوەکرد، کاریگەرییەکانی ڤایرۆسەکە لە ڕۆژانی داهاتوودا زیاتر دەبن و لێکەوتە ئابورییەکانیشی جدین، داوای لە خاوەن موڵکەکانیش کرد ڕەچاوی بارودۆخی کرێچییەکانیان بکەن و ئەرکی سەرشانیان سوک بکەن.  . لە پەیامێکدا دەربارەی بڵاوبوونەوەی ڤایرۆسی کۆرۆنا مەسرور بارزانی، سەرۆکی حکومەتی هەرێم ڕایگەیاند: " هەرێمی کوردستان وەک هەموو جیهان ڕوبەڕووی بەڵای ڤایرۆسی کۆرۆنا بووەتەوە و حکومەتی هەرێم پێش زۆرێک لە وڵاتان چەندین ڕێکاری پێویستی گرتەبەر بۆ بەرەنگاربوونەوەی ڤایرۆسەکە و دواجار بڕیارماندا بە قەدەغەکردنی هاتووچۆ". . وتیشی: "ئێمە هەموو هەوڵێک دەدەین بۆ پاراستنی هاووڵاتیان و قەدەغەی هاتوچۆش بۆ پاراستنی زیاتری هاووڵاتیان و دۆزینەوەی ئەو کەسانەیە کە هەڵگری ڤایرۆسەکەن، بۆیە هیوادارم ئێوەش پابەندی ڕێنماییەکان بن". . سەرۆکی حکومەتی هەرێم ئاماژەی بەوەشکرد: "بەداخەوە کاریگەریییە نێگەتیڤەکانی ئەم دۆخە لە ڕۆژانی داهاتوودا زیاتر دەردەکەوێت، بۆیە پێویستە هاووڵاتیان زیاتر پابەندی ڕێنماییەکانی تەندروستیی بن". . مەسرور بارزانی جەختیشیکردەوە: "هەڕەشەکانی ڤایرۆسەکە و لێکەوتە ئابورییەکانی زۆر جدین، بەڵام پێشتر ڕوبەڕووی جەندین قەیرانی دیکە بووینەتەوە و دۆخە سەختەکانمان تێپەڕاندووە". . هاوکات سەرۆکی حکومەتی هەرێم داوایەکیشی لە خاوەن موڵکەکان  لە هەرێم،کرد و ئاماژەی بەوەکرد: "داواکارم خاوەن موڵکەکان ڕەچاوی بارودۆخەکە بکەن و قورسایی سەرشانی کرێچییەکان کەمبکەنەوە و هەموومان پێکەوە بتوانین ئەم دۆخە تێپەڕێنین".