گه‌ڕان

Shadow Shadow
سیاسه‌تی

ئێران بەزەبری هێز شەقام و شوێنە گشتییەکان بە هاوڵاتیان چۆڵ دەکرێت

2020.03.13 - 19:58
ئێران بەزەبری هێز شەقام و شوێنە گشتییەکان بە هاوڵاتیان چۆڵ دەکرێت
ناس كورد-      سەرۆك ئەركانی هێزە چەكدارەكانی ئێران ڕایگەیاند، بەمەبەستی بەرەنگاربونەوەی ڤایرۆسی كۆرۆنا، جوڵە وهاتوچۆی هاوڵاتیان لە تەواوی شەقامەكان قەدەغەدەكرێت لەماوەی 24 كاتژمێریشدا سەرجەم فرۆشگە و بازاڕەكان چۆڵدەكرێن. , محەمەد باقری، سەرۆك ئەركانی هێزە چەكدارەكانی ئێران، ئەمڕۆ هەینی، پاش كۆبونەوەی لەگەڵ لیژنەی بەرەنگاربوونەوەی ڤایرۆسی كۆرۆنا ڕایگەیاند "هێزە چەكدارەكانی ئێران و سوپای پاسداران و هێزەكانی پۆلیس پێكەوە هەماهەنگی دەكەن بۆ ڕێگریكردن لە جموجوڵ و هاتوچۆ لە تەواوی شەقامەكانی وڵاتدا". , باقری، ئەوەشی ڕاگەیاند: "بڕیاری پێكهێنانی لیژنەكە لەلایەن ئایەتوڵا عەلی خامنەیی، ڕێبەری باڵای شۆڕشی ئێرانەوە دراوە و لەماوەی 10 ڕۆژی داهاتودا لەڕێگەی تۆڕە كۆمەڵایەتییەكان و ئینتەرنێتەوە چاودێری دۆخی تەندروستی هاوڵاتیان دەكەن و بۆ حاڵەتە گرنگ و پێویستەكانیش دەڕۆنە شوێنی پێویست". , هاوکات بە گوێرەی  میدیاکانی ئێران، بەهرام پارسائی، وتەبێژی لیژنەی ماددەى 90 لە پەرلەمانی ئێران بڵاویكردەوە: "هێڵی ئاسمانی ئێران و كۆمپانیای (ماهان)ی فڕۆكەوانی، یەكەم تۆمەتبارن بە هاتنەناوەوەی كۆرۆنا بۆ وڵات". , پارسانی ئاماژەی بەوەکردووە:" ئەگەر تۆمەتبارەكانی تایبەت بە بڵاوبوونەوەی كۆرۆنا لە وڵاتدا پۆلێن بكەین، ئەوان گومانلێكراوی یەكەمن كە ڤایرۆسەكەیان هێناوەتە وڵاتەوە، بە دڵنیاییشەوە ڕێكخراوی فڕۆكەوانییەكە ڕێگەی لە گەشتە ئاسمانییەكان نەگرتووە بۆ چین و كۆمپانیای ماهانی فڕۆركەوانییە". , بە گوێرەی دواین ئامارەی وەزارەتی تەندروستی ئێران کە ئەمڕۆ،هەینی، بڵاوکراوەتەوە وەزارەتی تەندروستی ئێران ڕاگەیاندووە "لە 24 كاتژمێری ڕابردودا زیاتر لە 1000 حاڵەتی نوێی توشبون تۆماركراون و 85 كەسیش گیانیانلەدەستداوە.