گه‌ڕان

Shadow Shadow
سیاسه‌تی

به‌پێشێلكردنی سه‌روه‌ری عێراق ناوی بردوه‌

فەرماندەی ئۆپەراسیۆنە هاوبەشەكانی عێراق سه‌ركۆنه‌ی هێرشه‌كه‌ی ئەمریكای كرد

2020.03.13 - 15:30
فەرماندەی ئۆپەراسیۆنە هاوبەشەكانی عێراق سه‌ركۆنه‌ی هێرشه‌كه‌ی ئەمریكای كرد
    ناس كورد-   فەرماندەی ئۆپەراسیۆنە هاوبەشەكانی عێراق ئاماری زیانە ڕۆحی و مادییەكانی هێرشەكانی ئەمڕۆی فڕۆكەكانی ئەمریكای بۆ سەر چەند بنكە و بارەگایەكی ئەمنی و سەربازی ئاشكرا كرد و ئەنجامدانی هێرشەكەشی لەكاردانەوەی هێرشەكەی سەر سەربازگەی تاجیدا بەپاساوێكی پوچ لەقەڵەمدا. . لەڕاگەیەنراوێكیدا فەرماندەی ئۆپەراسیۆنە هاوبەشەكانی عێراق ڕایگەیاند، كاتژمێری یەكی بەرەبەیانی ئەمڕۆ (هەینی،13ی ئاداری 2020)، چەند بنكەیەكی سەربازی عێراق لەلایەن فڕۆكەكانی ئەمریكاوە دەستدرێژی كراوەتە سەر لەوانە فیرقەی 19ی موغاویر و بنكەی 46ی حەشدی شەعبی و فەوجی پۆلیسی بابلی سێ و چەند ناوچەیەكی تر لەپارێزگای بابل و فڕۆكەخانەی كەربەلا.. ئەو دوژمنكاریەی ئەمریكاش بووەتە هۆی كوژرانی سێ سەربازی لەشكری 19 و چەندین برینداری تریش. . هەر لەڕاگەیەنراوەكەدا ڕونكراوەتەوە هێرشی فڕۆكەكانی ئەمریكا بووەتە هۆی كوژرانی دوو پۆلیس و برینداربوونی چەند پۆلیسێكی تری فریاكەوتن. . ئۆپەراسیۆنە هاوبەشەكان دەشڵێت، 5 چەكداری حەشدی شەعبی برینداربوون و كارمەندێكی مەدەنی لەفڕۆكەخانەی كەربەلا كوژراوە و سەرجەم ئەو شوێنانەی كراونەتە ئامانج خاپور كراون. . ئۆپەراسیۆنە هاوبەشەكانی عێراق ئەو هێرشەی ئەمریكای ئیدانە كردووە و بەپێشێلكردنی سەروەرییەكانی وڵاتیشی زانیوە كە بەپاساوی هێرشەكەی سەر سەربازگەی تاجی ئەنجامدراوە. .