گه‌ڕان

Shadow Shadow
سیاسه‌تی

كۆرۆنا چالاكیە وەرزشی و هونەرییەكانی لەسەر بەرزترین چیای جیهان ڕاگرت

2020.03.13 - 13:13
كۆرۆنا چالاكیە وەرزشی و هونەرییەكانی لەسەر بەرزترین چیای جیهان ڕاگرت
ناس كورد- میدیا ناوخۆییەكانی چین بڵاویان كردەوە، حكومەتی ئەو وڵاتە دەیەوێت بۆ بەهاری ئەمساڵ سەرجەم چالاكییە وەرزشییەكانی سەر چیای ئیڤیریست كە لەبواری هونەر و وەرزشدا ئەنجامدەدەرێن بەهۆی كۆرۆناوە ڕابگرێت. . بەپێی ڕاپۆرتی میدیا چینیەكان، بەرپرسان دەیانەوێت قەدەغە بخەنه‌ سەر چوونی گەشتیاران و وەرزشكاران بۆ سەر چیای ئیڤیریست لەوەرزی بەهاری ئەمساڵدا ئەوەش بۆ ڕێگریكردن لەبڵاوبونەوەی ڤایرۆسەكە. . لەسەرەتای هاتنی وەرزی بەهاری هەموو ساڵێكدا لەسەر چیاكە كە دەكەوێتە نێوان هەرێمی تەبت و چین و نیپاڵ، ڕێوڕەسمی تایبەت بەچالاكییە هونەری و وەرزشییەكان لەسەر چیاكە كە بەرزترین چیایە لەجیهاندا و بەرزییەكەی دەگاتە نزیكەی 9 هەزار مەتر ساز دەكرێت، بەڵام ئەمساڵ بەهۆی كۆرۆناوە ئەو چالاكیانە ڕادەگیرێن. . باس لەوەش كراوە، گرتنەبەری ئەو ڕێوشوێنانە ترسی دەسەڵاتدارانی چینە لە گواستنەوەی دووبارە ڤایرۆسەكە لەدەرەوەی چینەوە بۆ ناو ئەو وڵاتە چونكە لەچەند ڕۆژی ڕابردودا نزیكەی 88 حاڵەت تۆمار كراوە كە لەدەرەوەی چینەوە چونەتە ناو ئەو وڵاتە و هەڵگری ڤایرۆسەكە بوون و لەئێستادا ژمارەی توشبوون  لەناو چینەوە بەتەواوەتی كەمیی كردووە. .