گه‌ڕان

Shadow Shadow
سیاسه‌تی

توێژینەوەیەكی نوێی ئەمریكی تەمەنی كۆرۆنا و مانەوەی لەهەواو لەسەر تەنه‌كان ئاشكرا دەكات

2020.03.13 - 11:31
توێژینەوەیەكی نوێی ئەمریكی تەمەنی كۆرۆنا و مانەوەی لەهەواو لەسەر تەنه‌كان ئاشكرا دەكات
ناس كورد-  بەپێی نوێترین توێژینەوەی ئەمریكی كە لەبارەی كۆرۆناوە بڵاوكراوەتەوە، ئەو ڤایرۆسە دەتوانێت لەڕێگەی هەواوە بگوازرێتەوە و لەسەر تەنەكانیش بۆ ماوەیەكی زۆر دەمێنیتەوە و بە وهۆیەشەوە لەڕێگەی دەستلێدانەوە لەكەسێكەوە بۆ كەسێكی تر دەگوازرێتەوە. . تۆڕی هەواڵی فۆكس نیوزی ئەمریكی بڵاویكردەوە، بەپێ نوێترین توێژینەوە كە لەبارەی كاتی مانەوەی كۆرۆنا لەهەوا و لەسەر تەنەكان ئامادە كراوە، ڤایرۆسەكە دەتوانێت بۆ ماوەیەك بەپێی جیاوازی كەرەستەكان بمێنێته‌وه‌. . توێژینەوە نوێیەكە  ئەوەشی ئاشكرا كردووە كە ڤایرۆسی كۆرۆنا دەتوانێت بۆ ماوەی 3 كاتژمێر لەهەوادا بمێنێتەوە و لەسەر تەنەكانیش دەتوانێت بۆ ماوەی 3 ڕۆژ بژیێت و لەڕێگەی دەستلێدانەوە لەكەسێكەوە بۆ كەسێكی تر دەگوازرێتەوە. . بەپێی توێژینەوە ئەمریكیەكە، كۆرۆنا لەسەر تەنێكی له‌مس دروستكراو دەتوانێت بۆ ماوەی 4 كاتژمێر بمێنێتەوە  و لەسەر كاغەزی ئەستوریش تا 24 كاتژمێر چالاكە. . بەپێی توێژینەوەیەكی پێشووتر كە لەمانگی ڕابردوو لەبارەی كۆرۆناوە ئەنجامدرا، ڤایرۆسەكە لەسەر هەندێك تەن و ڕووبەر دەتوانێت بۆ ماوەی 9 ڕۆژ بمێنێتەوە. . ئەوەش ئاشكرا كراوە، بەراورد بەڤایرۆسی كۆرۆنا ڤایرۆسی ئەنفۆلۆنزا لەسەر تەن و ڕووبەرەكان تەنها ب ۆماوەی 48 كاتژمێر دەمێنێتەوە. . لەكاتێكدا كە جیهان گیرۆدەی ڤایرۆسەكە بووە و بەبەربڵاوی بەنزیكەی 120 وڵاتدا بڵاوبووەتەوە، بەڵام تا ئێستا هەوڵە پزیشكییەكان نەیانتوانیوە چارەسەرێكی بۆ بدۆزنەوە و لەو بارەیەشەوە لەگەڕان و پشكنین بەردەوامن. .