گه‌ڕان

Shadow Shadow
سیاسه‌تی

بۆ ڕێگریكردن لەكۆرۆنا

سەرۆكی ئەمریكا سەرجەم گەشتەكانی نێوان ئەوروپا و ئەمریكای بۆ ماوەی یەك مانگ ڕاگرت

2020.03.12 - 09:20
سەرۆكی ئەمریكا سەرجەم گەشتەكانی نێوان ئەوروپا و ئەمریكای بۆ ماوەی یەك مانگ ڕاگرت
ناس كورد-   سه‌رۆكی ئه‌مریكا بڕیاریدا بۆ ماوەی یەك مانگ سەرجەم گەشتەكانی نێوان وڵاتانی ئەوروپا و ئەمریكا جگە لەبەریتانیا لەشەوی هەینیەوە ڕابگرێت، ئەوەش بۆ ڕێگریكردن لە بڵاوبوونه‌وه‌ی ڤایرۆسی كۆرۆنا له‌و وڵاته‌.  . لەمیانی وتارێكیدا كە لەكۆشكی سپی ئاڕاستەی گەلی ئەمریكای كرد، دۆناڵد تڕەمپ، سه‌رۆكی ئه‌مریكا وتی :" لەپێناوی ئەوەی خەڵكی تر تووشی ڤایرۆسەكە نەبن و نەگاتە كەناری وڵاتەكەمان هەموو گەشتەكان لەئەوروپاوە بۆ ویلایەتە یەكگرتووەكانی ئەمریكا ڕادەگرین بۆ ماوەی سی ڕۆژی داهاتوو، بنەما و ڕێوشوێنە نوێیەكان لەو بوارەدا جێبەجێدەكرێن". . ئاماژەی بۆ ئەوەش كرد، ئەمریكا توانای بەرەنگاربوونه‌وه‌ی ڤایرۆسەكەی هەیە و لەچەند ڕۆژی ڕابردوشدا ژمارەی توشبووانی ڤایرۆسەكە بۆ ئاستێكی باش دابەزیوه‌. . سەرۆكی ئەمریكا جەختی لەوەش كردەوە، زیاتر لە 8 ملیار دۆلاری بۆ ڕوبەڕووبونەوەی ڤایرۆسەكە تەرخانكردووە. . تڕەمپ باسی لەوەش كرد، بڕیاری ڕاگرتنی گەشتەكانی ئەوروپا بۆ ماوەیەكی كاتی سەرجەم بوارەكانی بازرگانیش لەنێوان ئەمریكا و ئەوروپادا دەگرێتەوە. . سەرۆكی ئەمریكا داواشی لەكۆنگرێسی وڵاتەكەشی كرد، باج كەمبكەنەوە بەهۆی كاریگەری كۆرۆنا لەسەر كەرتی ئابوری ئەوەش دوای ڕاگرتنی چەندین جمۆجوڵی بازرگانی. . هه‌روه‌ها داواشی لەوەزارەتی خەزێنەی وڵاتەكەی كرد، ئاسانكاری بكەن بۆ وەرگرتنی باج و دەرامەت بۆ هەندێ لەو هاوڵاتیانەی كە زیان بەكارەكانیان گەیشتووە بەهۆی بڵاوبونەوەی ڤایرۆسەكەوە. . لای خۆشیەوە وتەبێژی كۆشكی سپی ڕایگەیاند، تڕەمپ سەرجەم چالاكیەكانی ئەم هەفتەیە كە بڕیاربوو لە كۆلۆرادۆ و نیفادا بەڕێوەبچێت ڕاگرتووە، ئەوەش لەچوارچێوەی گرتنە بەری ڕێوشوێنەكان بۆ بڵاونەبوونه‌وه‌ی ڤایرۆسی كۆرۆنا. .