گه‌ڕان

Shadow Shadow
سیاسه‌تی

 پەرلەمانتارێکی عێراق: به‌ربژێركردنی كه‌سێك بۆ پۆستی سه‌رۆكوه‌زیران كارێكی زۆر ئاڵۆزه‌ 

2020.03.11 - 20:47
 پەرلەمانتارێکی عێراق: به‌ربژێركردنی كه‌سێك بۆ پۆستی سه‌رۆكوه‌زیران كارێكی زۆر ئاڵۆزه‌ 
ناس کورد- پەرلەمانتاریکی عێراق ڕایگەیاند، بەربژێرکردنی کەسێک بۆ پۆستی سەرۆکوەزیرانی عێراق و تێپەڕاندنی کابینە وەزارییەکەی لە پەرلەمانی عێراقدا لە ئێستادا کارێکی زۆر ئاڵۆزە، دەشڵێت:" ئەگەر سەرۆککۆمار گلۆپی سەوز لەکورد وسونەی بۆهەڵنەکرێت ڕەزامەندی لە سەرهیچ کەسێک نادات بۆ وەرگرتنی ئەو پۆستە". . ئەمڕۆ( چوارشەممە، 11ى ئاداری 2020) قوسەی شەبەکی،ئەندامی پەرلەمانی عێراق، ڕایگەیاند:" بەربژێرکردنی کەسێک بۆ پۆستی سەرۆکوەزیرانی عێراق وتێپەڕاندنی کابینە وەزارییەکەی لە پەرلەمانی عێراق لە ئێستادا کارێکی زۆر ئاڵۆزە، دەشڵێت:" ئەگەر سەرۆککۆمار گلۆپی سەوز لەکورد و سونەی بۆ هەڵنەکرێت ڕەزامەندی لەسەر هیچ کەسێک نادات بۆ وەرگرتنی ئەو پۆستە". . وتیشی:" دەبێت ئەو کەسەی بەربژێردەکرێت بۆ پۆستی سەرۆکی حکومەتی عێراق پێش ڕەزامەندیدان لەسەر وەرگرتنی پۆستەکە بەباشی بیربکاتەوە". . ئاماژەی بەوەشکرد:" لەئێستادا سیاسەتی پشک پشکینە زۆر بەڕوونی لە پرسی دیاریکردنی سەرۆکوەزیرانی عێراقدا ڕەنگیداوەتەوە بۆیە وایلێکردووین جارێکی دیکە بگه‌ڕێینه‌وه‌ چوارگۆشەی یەکەم". . شەبەکی، ئەوەشی خستەڕوو:" پێویستە لەسەر ئەو دەنگانەی کە خۆیان بە پارێزه‌ری بەرژەوندی گۆڕەپانەکانی خۆپیشاندان داده‌نێن بە شێوەیەکی ئاشکرا  هەموو ئەو فشارانە ڕەتکەنەوە کە دەکرێت لە پێناو پەیڕوکردنی سیاسیەتی پشک پشکینە و سەپاندنی پەرژەوەندی حیزبی لایەنەکان لە بری سەرخستنی بەرژەوەندییە نیشتیمانییەکان". . لە ئاکامی پەڕەسەندنی خۆپیشاندانەکانی عێراق لە مانگی تشرینی یەکەمی ساڵی ڕابردودا عادل عەبدولمەهدی، سەرۆکوەزیرانی عێراق دەستلەکارکیشانەوەی خۆی لە پۆستەکەی  پێش کۆتایی ساڵی ڕابردوو پێشکەش بەپەرلەمانی عێراق کرد، لایەنە سیاسییەکانی عێراقیش پاش مشتومڕێکی زۆر ڕێککەوتن لەسەر بەربژێرکردنی محەمەد توفیق علاوی، وەزیری پەیوەندییەکانی پێشووی عێراق بۆ پێکهێنانی کابینەی نوێی حکومەت، بەڵام بەهۆی سیاسەتی پشک پشکینە و ڕێگریکردنی لایەنەکانی کورد و سونە، عەلاوی نەیتوانی ڕەزامەندی پەرلەمانی عێراق  بۆ کابینەکەی بەدەست بهێنێت و ناچار بوو پۆزشی فەرمی لە پێکهێنانی حکومەتەکەی لە سەرەتای ئەم مانگەدا ئاراستەی سەرۆککۆماری عێراق بکات.   .