گه‌ڕان

Shadow Shadow
سیاسه‌تی

داوادەکرێت پێداچوونەوە بە بڕیارى لە سێدارەدانى دوو تۆمەتبارەکەى دۆسیەى هۆقەباز بکرێت

2020.03.11 - 13:44
داوادەکرێت پێداچوونەوە بە بڕیارى لە سێدارەدانى دوو تۆمەتبارەکەى دۆسیەى هۆقەباز بکرێت
ناس کورد- دەستەی بەڕێوەبەریی کۆنگرەی نەتەوەیی کوردستان – کەنەکە، داواى پێداچونەوە دەکات بە بڕیارى لەسێدارەدانى ئەو دوو کەسە کە لەسەر دۆسیەی هۆقەباز دەستگیرکراون. . لەچەند مانگى رابردوودا دادگاى هەولێر بڕیارى لەسێدارەدانى بۆ مەزڵوم داغ و محەمەد بەشکسز دەرکرد، بە تۆمەتى هێرشکردنە سەر کارمەندانى باڵیۆزخانەى تورکیا لە هەولێر. . دەستەی بەڕێوەبەریی کۆنگرەی نەتەوەیی کوردستان لە ڕاگەیەنراوێکدا ڕایگەیاند "بارودۆخی گەلی کوردستان و هێرشەکانی تورکیا روون و ئاشکران. ئەگەر ئەو گەنجانەش ئەو کەسەیان کوشتبێ، بێگومان بەو هەست و تووڕەییەوە کردوویانە". . ئاماژەى بەوەشکردووە "دیارە دادگای هەولێر بە پەلەو بە بێ لێکۆڵینەوە و بەدواداچوونی ورد ئەو بڕیارەی داوە، هەروەها دیاریشە کە مافی خۆپاراستنی یاسایی بۆ ئەو لاوانە دەستەبەر نەکراوەو بێ پارێزەر بوون". . بەپێی ڕاگەیەنراوەکە، "دادگا دۆخی شەڕی ئازادیی گەلی کوردستان، هێرشەکانی دەوڵەتی تورکیا و دۆخی خانەوادەکانی ئەو گەنجانەی لەبەرچاو نەگرتووە. بێگومان ئەگەر ئەو بارودۆخانە بە باشی لەبەرچاو بگیرانایە، سزایەکی ئەوەندە قورس نەدەدران". . "بەپێی لێدوانی خانەوادەکانیان، تا ئێستاش ئاستەنگیی ئەخرێتە بەردەم مافی خۆپاراستنی ئەو گەنجانە، بەپێی ئاگاداریی میدیاکان، ئەو گەنجانە لەهەمان ژووری زینداندا لەگەڵ داعشییە زیندانیکراوەکانن. ئەمەش مەترسی بۆ سەر ژیانیان دروست دەکات". . کۆنگرەی نەتەوەیی کوردستان جەختیکردوەوەتەوە، ئەو بارودۆخە و ئەو بڕیارە بە گونجاو نازانن، "پێویستە چاو بەو بڕیارەدا بخشێنرێتەوە و ڕاستبکرێتەوە، بۆ ئەو مەبەستەش داوا لە بەڕێوەبەرایەتی هەرێمی کوردستان دەکەین ئەو دۆخە لەبەرچاو بگرن و بڕیارەکە ڕاست بکەنەوە و ژیانی ئەو مرۆڤانە بپارێزن".