ڤایرۆسی كۆرۆنا جگه‌ له‌ توشبووان پزیشك و كادره‌ ته‌ندروستییه‌كانیش ده‌كوژێت

کەناڵی ناس کورد لە تێلیگرام جۆین بکە   

ناس كورد- وه‌زاره‌تی ته‌ندروستی چین راگه‌یه‌ندراوێكی نوێی له‌باره‌ی ژماره‌ی توشبووان و گیانله‌ده‌ستدان به‌ ڤایرۆسی كۆرۆنا بڵاوكرده‌وه‌ كه‌ به‌شێك له‌ قوربانییه‌كان له‌ناو خودی كه‌رتی ته‌ندروستیدایه‌. . به‌گوێره‌ی راگه‌یه‌ندراوی وه‌زاره‌ته‌كه‌ "به‌هۆی ڤایرۆسه‌كه‌وه‌ هه‌تا ئێستا شه‌ش كه‌س له‌ تیمی كادرانی پزیشكی ئه‌و وڵاته‌ گیانیان له‌ده‌ستداوه‌". . هاوكات راگه‌یه‌ندراوه‌كه‌ رونیده‌كاته‌وه‌، له‌ساته‌وه‌ختی ده‌ركه‌وتنی ڤایرۆسه‌كه‌وه‌ هه‌تا ئێستا، نزیكه‌ی 1715 كه‌س له‌ تیمی كادرانی پزیشكی وڵاتی چین توشی ڤایرۆسه‌كه‌ بوون. . پێشتر لیژنه‌ی ته‌ندروستی هه‌رێمی هۆبی له‌ وڵاتی چین ئامارێكی نوێی له‌باره‌ی گیانله‌ده‌ستدانی به‌هۆی ڤایرۆسی كۆرۆناوه‌ راگه‌یاند و ئاشكرای كرد "ژماره‌ی گیانله‌ده‌ستدان به‌هۆی كۆرۆناوه‌ له‌ هه‌رێمی ناوبراو كه‌ ده‌كه‌وێته‌ ناوه‌ندی وڵاتی چین له‌ یه‌ك رۆژدا 121 حاڵه‌ت بووه‌". . راگه‌یه‌ندراوه‌كه‌ ئاماژه‌ به‌وه‌ ده‌كات له‌هه‌رێمی هۆبی 4823 حاڵه‌تی نوێی توشبوون به‌ ڤایرۆسی كۆرۆنا تۆمار كراوه‌ و به‌وه‌ش كۆی ژماره‌ی توشبووان به‌ ڤایرۆسه‌كه‌ ته‌نها له‌و هه‌رێمه‌دا بۆ نزیكه‌ی 52 هه‌زار كه‌س به‌رزبووه‌ته‌وه‌. .