گه‌ڕان

Shadow Shadow

له‌ ناوچه‌یه‌كی دوره‌ ده‌ست گیریان خواردبوو

پێشمه‌رگه‌كانی چیای كۆدۆ ڕزگاركران و گه‌یه‌نرانه‌ نه‌خۆشخانه‌ [وێنه‌]

2020.02.14 - 10:09
پێشمه‌رگه‌كانی چیای كۆدۆ ڕزگاركران و گه‌یه‌نرانه‌ نه‌خۆشخانه‌ [وێنه‌]
    ناس كورد- ئه‌و چه‌ند پێشمه‌رگه‌یه‌ی كه‌ له‌ چیای كۆدۆ له‌ حاجی ئۆمه‌ران به‌هۆی سه‌رما و به‌فربارینێكی زۆر له‌نێو ره‌بایه‌كه‌یاندا گیریان خواردبوو و له‌ گرته‌یه‌كی ڤیدیۆیی داوای به‌ هاناوه‌چوونیان كرد، ڕزگاركران و دره‌نگانێكی شه‌وی رابردوو گه‌یه‌نرانه‌ نه‌خۆشخانه‌ی چۆمان. . به‌ڕێوه‌به‌رایه‌تی پۆلیسی سۆران رایگه‌یاند "به‌ڕێوه‌به‌ری به‌شی پۆلیسی چۆمان و ژماره‌یه‌ك له‌ ئه‌فسه‌ر و كارمه‌ندی به‌ڕێوه‌به‌رایه‌تییه‌كه‌ به‌شداربوون له‌ به‌هاناوه‌چوون و ڕزگاركردنی ئه‌و پۆله‌ پێشمه‌رگه‌یه‌ی كەلە رەبایەی بەری چیای کۆدۆ بەرامبەر حاجی ئۆمەران لەبەر بارینی بەفرێكی زۆر گیریان خواردبوو". . ئاماژه‌ به‌وه‌ش كراوه‌ " خۆشبەختانە دوای ماندووبونێكی زۆر بەهاوكاری هەموو لایەك بەسەلامەتی گەیەنرانەوە چۆمان". . دوێنێ (پێنجشه‌ممه‌) گرته‌یه‌كی ڤیدیۆیی چه‌ند پێشمه‌رگه‌یه‌ك لە ناوچەی باڵەکایەتی لە بناری کۆدۆ لە سنوری حاجی ئۆمەران بڵاوكرایه‌وه‌ كه‌ له‌ ره‌بایه‌یه‌ك له‌و ناوچه‌یه‌ ده‌وام ده‌كەن و بەوتەی خۆیان لەوێ گیریان خواردووە و سوتەمەنی و کارەبایان نییە بۆ خۆگەرمکردنەوە و لە دۆخێکی زۆر خراپدان. . لە گرتەیەکی ڤیدیۆییدا کە یەکێک لەو پێشمەرگانەی سەر بە یەکەکانی 80ی پارتی بڵاویکردووەتەوە، ئاماژە بەوە دەکات: “ماوەی 24 کاتژمێرە نە کارەبا نە ئاو نە نەوتمان نییە، لە شوێنێکدا دەوام دەکەین، کە تەنانەت ئاژەڵیشی لێ ناژی، ئیتر چ پێویست دەکات ئێمە لەم جێگەیە دەوام بکەین لەم دۆخەدا”. . ئەو پێشمەرگەیە داواشی لە لایەنە پەیوەندیدارەکان كرد، بەهانایانەوە بچن و ڕزگاریان بکەن لەو دۆخە.   .