کەناڵی ناس کورد لە تێلیگرام جۆین بکە
ناس کورد- بەرپرسانی یانەی لیڤەرپوڵی ئینگلیزی ڕەتیانکردەوە ستیڤن جیراردی ئەستێرە و کاپتنی پێشووی یانەکە بگەڕێننەوە تا وەک وەفایەک بۆ ئەو یارزانە، نازناوی پریمەرلیگ لەگەڵ یانەکە بەرزبکاتەوە. , لە چەند ڕۆژی ڕابردوودا هاندەرانی یانەی لیڤەرپوڵ داوایانکرد، یانەکەیان لە پێنج هەفتەی کۆتایی خولی ئینگلیزیدا ستیڤن جیراردی کاپتنی پێشووی یانەکە بگەڕێننەوە، تا ئەوەی لەگەڵ یانەکەدا نازناوی خولەکە بەرزبکاتەوە. , لەوبارەیەوە بیتێر مۆر، به‌ڕێوەبه‌ری جێبه‌جێكاری لیڤه‌رپوول ڕایگەیاند: ” لەوبارەیەوە گفتوگۆمان کردووە، بەڵام، ئه‌وه زه‌حمه‌ته ڕووبدات کە جیرارد بۆ ئەو ماوەیە بگەڕێتەوە یانەکە، چونکە ئەو ئێستا ڕاهێنەرە و لەوکاتەدا پێویستە وەک یاریزان بگەڕێتەوە". , وتیشی: "هه‌روه‌ها ئه‌وه ده‌بێته هۆی ئه‌وه‌ی، جیرارد کە یاریزانی پێشووی لیڤه‌رپولە، له‌سه‌ر ئه‌ستۆی یاریزانانی ئێستای یانه‌كه ئه‌و نازناوه به‌رز بكاته‌وه، بۆیە ناتوانین ئەوە بکەین و ئەوە بڕیاریی كۆتاییه". , جیرارد له ساڵی 1998وە له یانەی لیڤەرپوڵ دەستی بە یاریکردن کردووە و بۆ ماوەی 17 ساڵ و واتە تا ساڵی 2015 لەگەڵ یانەکەی بەردەوام بوو، لەو ماوەیەدا بەشداری 504 یاریی لەگەڵ ئەو یانەیەدا کرد و توانی 120 گۆڵ تۆمار بكات.
