گه‌ڕان

Shadow Shadow

پەیامی عێراق بۆ چین لەبارەى کۆرۆناوە: ئامادەى هاوکارین

2020.02.09 - 11:27
پەیامی عێراق بۆ چین لەبارەى کۆرۆناوە: ئامادەى هاوکارین
ناس کورد- عادل عەبدولمەهدی پەیامێکی "هاوهەڵوێستی" بۆ سەرۆک و گەلی چین نارد و جەختی لە پشتگیری عێراق کردەوە بۆ هەوڵەکانی ڕوبەڕوبوونەوەى ڤایرۆسی کۆرۆنا. . ئەمڕۆ یەکشەممە، 9ی شوباتی 2020، نوسینگەى ئەنجومەنی وەزیرانی عێراق ڕایگەیاند، "عادل عەبدولمەهدی، سەرۆکوەزیرانی کاربەڕێکەری عێراق پەیامێکی بۆ شی جین بینگ، سەرۆکى کۆماری چین ناردووە و تێیدا بە ناوی خۆی و گەلی عێراقەوە هاوهەڵوێستی بۆ چین دووپاتکردەوە لە ڕوبەڕوبوونەوەى ڤایرۆسی کۆرۆنا." . دەشڵێت، عەبدولمەهدی جەختیکردووەتەوە کە متمانەیان بە توانا و هەوڵەکانی چین هەیە لە تێپەڕاندنی ئەو قەیرانە و سەرکەوتن بەسەر ئەو مەترسییەی کە گەلی چینی تێکەوتووە. . ئاماژەى بەوەشکردووە، "عێراق هاوشانی کۆماری چین و وڵاتانی تر و ڕێکخراوی تەندروستی جیهانی دەوەستێتەوە بۆ پشتگیری هەوڵەکانی ڕێگریکردن لە بڵاوبوونەوەى زیاتری نەخۆشییەکە و دابینکردنی چارەسەری پزیشکی کارا بۆی." . هاوکات عەبدولمەهدی جەختیکردووەتەوە لە "بەهێزی پەیوەندییەکانی نێوان عێراق و چین و خواستی زیاترکردنی هەماهەنگییەکان کە خزمەت بە بەرژەوەندییەکانی هەردوو گەلی دۆست بکات بەرەو گەشەسەندن و پێشکەوتن."