گه‌ڕان

Shadow Shadow

ئەو کەسەى خێزانى چەکدارانى داعشى لە سوریاوە دەگواستەوە عێراق دەستگیرکرا

2020.02.07 - 19:40
ئەو کەسەى خێزانى چەکدارانى داعشى لە سوریاوە دەگواستەوە عێراق دەستگیرکرا
ناس کورد- هەواڵگرى سەربازی لەپارێزگاى نەینەوا ئاشکرایکرد، داواکراوێکیان دەستگیر کردووە کە کەسوکارى چەکدارانى داعشى لە خێوەتگەى هول لەناو خاکى سوریاوە دەگواستەوە بۆ پارێزگاکانى ئەنبار و نەینەوا، هەروەها تونێلێکیش دۆزراوەتەوە کە ژمارەیەک چەک و پێداویستى تێدا بووە. . بەڕێوەبەرایەتى هەواڵگرى سەربازى لەبەیاننامەیەکدا ڕایگەیاند، مەفرەزەکانى بەشى هەواڵگرى سەربازى لە سەرکردایەتى پرۆسەکانى نەینەوا بەهاوکارى هێزە ئەمنیەکان توانیویانە داواکراوێک دەستگیر بکەن کە خێزانى چەکدارانى داعشى لە خێوەتگەى هولى سوریاوە دەگواستەوە بۆ پارێزگاکانى نەینەوا و ئەنبار، بۆ ئەوەش بەڵگەنامەى ساختەى بەکاردەهێنا. . بەپێى بەیاننامەکە، ئەو کەسەى کە دەستگیرکراوە بەپێى مادەى 4ى تیرۆر لەلایەن دادگاکانى عێراقەوە داواکراو  بووە. . هەواڵگرى سەربازى لەبەیاننامەیەکى تردا باسى لەوەکردووە، تونێلێک لەباشورى خۆرئاواى ئەنبار دۆزراوەتەوە کە چەکێکى بێدەنگ، 2 مۆلیدە، نارنجۆک، پاترى و چەندین جۆرى تر کەلوپەلى تێدا بوە، تونێلەکە بەسەرجەم چەک و کەلوپەلەکانى ناویەوە لەناوبراوە.