گه‌ڕان

Shadow Shadow

ئەمریکا: پێویستە سنورێک بۆ بەڵتەچییەکانى عێراق دابنرێت

2020.02.06 - 17:06
ئەمریکا: پێویستە سنورێک بۆ بەڵتەچییەکانى عێراق دابنرێت
ناس کورد-   ولایەتە یەکگرتوەکانى ئەمریکا ئیدانەى توندوتیژیەکانى پارێزگاى نەجەف دەکات و داواش لە حکومەت و هێزە ئەمنیەکانى عێراق دەکات سنورێک بۆ ئەو  کارانە دابنرێت. ، لە ڕاگەیەندراوێکدا باڵیۆزخانەى ئەمریکا لە عێراق بڵاویکردەوە: "بەتوندى ئیدانەى ئەو هێرشە دڕندانانە دەکەین کە ئێوارى رۆژى چوارشەممە لەشارى نەجەف کرانە سەر خۆپیشاندەران، بەداخەوە تائێستاش رێگە بە گروپە چەکداریەکان دەدرێت سەروەرى یاسا لە عێراق پێشێل بکەن و لە سزاش دەربازیان بێت". ، ئاماژە بەوەشکراوە، لەسەر حکومەت و هێزە ئەمنیەکانى عێراق پێویستە سنورێک بۆ ئەو کار "بەڵتەچییانە" دابنێن کە بریتین لە رفاندن و کوشتنى چالاکوانان و هاوڵاتیانى مەدەنى و رۆژنامەنوسان، هەروەها لەخۆپیشاندەران دەدەن و خێمەکانیان دەسوتێنن و چەک بەکاردەهێنن، بۆیە داوا دەکەن کە تاوانباران بدرێنە دادگاکان. ، باڵیۆزخانەى ئەمریکا داواش لە خۆپیشاندەران دەکات دان بەخۆیاندا بگرن لە ڕوبەڕوبونەوەى ئەو تاکتیکە کوشندانە و ئارامى خۆپیشاندانەکان بپارێزن، هەروەها ئەمریکا پشتگیرى مافە دیموکراتیە سەرەکیەکانیان لە ئازادى گردبونەوەى ئاشتیانەو رادەربڕین دەکات. ، شەوى چوارشەممەی ڕابردوو 5ی شوباتی 2020، لەمەیدانى خۆپیشاندانى سەدره‌ین لەشارى نەجەف بەتەقەى چەکدارە کڵاو شینەکانى سەر بەموقتەدا سەدڕ 11 خۆپیشاندەر کوژران و زیاتر لە 30 کەسى دیکەش بریندار بوون.