گه‌ڕان

Shadow Shadow

باس لە پلانى تێپەڕاندنى کابینەى نوێ دەکات

تارق حەرب: عەلاوى لەلایەن سائیرونەوە کاندیدکراوە و فەتح لەسەرى ڕەزامەند بووە

2020.02.02 - 23:14
تارق حەرب: عەلاوى لەلایەن سائیرونەوە کاندیدکراوە و فەتح لەسەرى ڕەزامەند بووە
ناس کورد- تارق حەرب شارەزاى یاسایى دەڵێت، هەروەک چۆن عادل عەبدولمەهدى و حکومەتەکەى تێپەڕێنران، محەمەد تۆفیق عەلاوى و حکومەتەکەشى لەپەرلەمان تێدەپەڕێنرێن. . تارق حەرب لە هەژمارى خۆى لەتۆڕى کۆمەڵایەتى فەیسبوک نوسیویەتى، پێشتر هاوپەیمانى فەتح عادل عەبدولمەهدیان بۆ پۆستى سەرۆکوەزیران وەزیران دیاریکرد و سائیرونیش رازیبوون لەسەرى، ئێستا سایئرون محەمەد تۆفیق عەلاوى دیاریکردوەو فەتح رازیبوون لەسەرى، هەروەک چۆن حکومەتەکەى عادل عەبدولمەهدى لەپەرلەمان تێپەڕێنرا حکومەتەکەى عەلاویش لەماوەى 30 رۆژدا تێدەپەڕێنرێت. . ئاماژەى بەوەشداوە، بەڵام عەبدولمەهدى بە گرێبەستێکى گەورە تێپەڕێنرا کە سەرۆککۆمار و سەرۆکى پەرلەمانیش بەشێک بون له‌گرێبەستەكه‌، بەڵام ئەوە لە حکومەتەکەى عەلاویدا نییە. . ئەو شارەزا یاساییە رونیشیکردوەتەوە، دەستور لەمادەى 64دا هەڵوەشانەوەى پەرلەمان و هەڵبژاردنى پێشوەختەى کردوە بەمەرج، ئەوەش لەماوەى 60 رۆژى دواى هەڵوەشانەوەى پەرلەمان. . باسى لەوەشکردووە، یەکەم رێگە ئەوەیە پەرلەمان خۆى هەڵوەشێنێتەوە، ئەوەش پێویستى بە دەنگى 165 پەرلەمانتار هەیە و زۆرینەى پەرلەمانتارانیش بە هەڵوەشانەوەى پەرلەمان رازى نابن، چونکە دوو ساڵى پەرلەمانتاریان نامێنێت. . تارق حەرب سەبارەت بە رێگەکەى تر دەڵێت، رێگەى دووەم بۆ هەڵوەشانەوەى پەرلەمان پێشنیارى سەرۆکوەزیران و رەزامەندى سەرۆککۆمارە، بەدواى ئەوەشدا هەڵبژاردنى نوێ و سەرۆککۆمارى نوێ  وسەرۆک وەزیرانى نوێ دێن. . پرسیارى ئەوەشدەکات، ئایا پەرلەمان دەنگ بە حکومەتەکەى محەمەد تۆفیق عەلاوى دەدەن؟ پەرلەمان رازى دەبێت لەسەر هەڵوەشانەوەى خۆى؟ ئایا سەرۆک وەزیران و سەرۆکی پەرلەمان رازى دەبن بە هەڵوەشانەوەى پەرلەمان؟ ئاستەنگى و ئاڵۆزى ئاشکرا هەیە. .