گه‌ڕان

Shadow Shadow

12 كوژراو و 230 بریندار هەیە

بەغدا؛ پێكدادان لەنێوان خۆپیشاندەران و هێزە ئەمنییەكاندا ڕویدا

2020.01.26 - 18:09
بەغدا؛ پێكدادان لەنێوان خۆپیشاندەران و هێزە ئەمنییەكاندا ڕویدا
ناس کورد- هێزە ئەمنییەكانی بەغدا رێگە بە خۆپیشاندەران نادەن بگەڕێنەوە گۆڕەپانى خۆپیشاندانەکان، بەهۆی ئەوەشەوە گرژی دروستبو، خۆپیشاندەرانیش موقتەدا سەدر رێبەری رەوتی سەدر بە "ناپاك" لەقەڵەم دەدەن. . بەگوێره‌ی سەرچاوەكانی هەواڵی عێراقی، خۆپیشاندەرانی شاری بەغدا دەیانەوێت بگەڕێنەوە گۆڕەپانەكان، بەڵام لەلایەن هێزە ئەمنیەكانەوە رێگریان لێدەكرێت. . هێزە ئەمنیەكان بە تەقەكردن و غازی فرمێسكڕێژ روبەڕوی خۆپیشاندەران بونەتەوە و بەهۆی ئەوەشەوە گرژی دروستبوە و خۆپیشاندەران لەلایەن هێزە ئەمنیەكانەوە گەمارۆ دراون. . خۆپیشاندەرانی بەغدا هوتاف دژی موقتەدا سەدر سەرۆكی رەوتی سەدڕ دەڵێنەوە و بە "ناپاك" تۆمەتباری دەكەن، دوای ئەوەی سەدڕ لایەنگران و پشتگیریی خۆی بۆ خۆپیشاندەران كشاندەوە. . لای خۆشیەوە كۆمسیۆنی مافەكانی مرۆڤی عێراق ڕایگەیاند، لە خۆپیشاندانەكانی چەند رۆژی رابرودا 12 خۆپیشاندەر كوژراون و 230 برینداریش هەیە كە بەشێكیان لەهێزە ئەمنیەكانن، هەروەها 89 كەسی تریش بریندار كراون، داواش لەهێزە ئەمنیەكان دەكات توندوتیژییەكان راگرن. .