گه‌ڕان

Shadow Shadow

باڵیۆزخانەى ئەمریکا هۆشداری دەدات بە هاوڵاتیانی.. نزيكی ئێرە مەکەونەوە

2020.01.24 - 11:33
باڵیۆزخانەى ئەمریکا هۆشداری دەدات بە هاوڵاتیانی..  نزيكی ئێرە مەکەونەوە
ناس کورد- بەهۆی خۆپیشاندانی "ملیۆنی" لە عێراق، باڵیۆزخانەی ئەمریكا لە بەغدا جەختدەکاتەوە کە تاوەکو ئێستاش کارەکانیان وەستاوە و هۆشداری دەداتە هاوڵاتیانی ئەمریکا لە عێراق کە "نزیکی باڵیۆزخانەکە" نەکەونەوە. . ئەمڕۆ هەینی، 24ی کانونی دووەمی 2020، باڵیۆزخانەی ئەمریكا لە پەیامێکدا بڵاویكردوەتەوە، "ئەمڕۆ هەینی خۆپیشاندان لە ناوەڕاستی شاری بەغدا ئەنجام دەدرێت و هێزە ئەمنیەكانیش بەچڕی بە هەموو شوێنێکدا بڵاوبوونەتەوە و ڕێگاكانیش داخراون." . دەشڵێت، "كارەكانی باڵیۆزخانەی گشتی لە بەغدا تائێستا ڕاگیراوە و لەسەر هاوڵاتیانی ئەمریكی پێویستە نزیكی باڵیۆزخانەكە نەبنەوە، کونسوڵگەری گشتیی ئەمریكا لەشاری هەولێر كراوەیە بۆ ڤیزا و چاوپێكەوتن و خزمەتگوزاریەكان و دەركردنی پاسپۆرت بۆ هاوڵاتیانی ئەمریكی." . پێش دەستپێكردنی خۆپیشاندانی ملیۆنیش لە شاری بەغدا، لەسەر دیواری باڵیۆزخانەی ئەمریكا لە شارەکە ئاگاداریەكی بە دیواری باڵیۆزخانەکەدا هەڵواسی بوو کە تێیدا نوسرابوو، "ئەم خاڵە تێمەپەڕێنە، هەموو ڕێکارێکی توندی بەرانبەرت دەگیرێتەبەر لە ئەگەری هەوڵدانت بۆ تێپەڕاندنی."