گه‌ڕان

Shadow Shadow

عەلاگەیەكی پڕ لەموچە و سەد هەزار دیناری بەراورد كرد

سەرۆكی ڕێكخراوی كەمئەندامان لەدیمەنێكی تایبەتدا نەهامەتیەكانی كەمئەندامانی پیشانی سەرۆكی حكومەتدا

2020.01.20 - 14:51
سەرۆكی ڕێكخراوی كەمئەندامان لەدیمەنێكی تایبەتدا نەهامەتیەكانی كەمئەندامانی پیشانی سەرۆكی حكومەتدا
ناس كورد- ئەمڕۆ (دوشەممە، 20ی كانونی دوەمی 2020)، لەكۆنگرەیەكی ڕۆژنامەنوسیدا، سامان حسێن، سەرۆكی ڕێكخراوی كەمئەندامانی كوردستان لەبەردەم میدیاكاندا  هەشت ملیۆن دینار موچەی پلە باڵاكان و سەد هەزار موچەی مانگانەی كەمئەندامانی بەرزكردەوە و دوو داواكاری ئاراسته‌ی سه‌رۆكی حكومه‌ت و سه‌رۆكی هه‌رێمی كوردستان كرد. . سەرۆكی ڕێكخراوی كەمئەندامان  رایگه‌یاند، لەبەردەم ئەو بانكەی كە موچەی كەمئەندامانی لێ دابەشدەكرێت لەسلێمانی بۆ دوو مەبەست كۆبونەتەوە، یەكەمیان ئەوەیە داوا دەكەن سەرۆكی هەرێم یاسای چاكسازی واژۆ نەكات كە خراوەتە بەردەستی ، چونكە هیچ ماف و ئیمتیازاتێكی بۆ كەمئەندامان تێدا نیە و نەیپاراستووە. . سامان حوسێن ئاماژەی بۆ ئەوە كرد"خاڵی دووەمیش كە مەبەستی كۆنگرەكەیانە،  تایبەتە بەسەرۆكی حكومەتی هەرێمی كوردستان كە زۆر باسی دادپەروەری و یەكسانی دەكات لەپێدانی موچەدا من پێیدەڵێم جەنابی سەرۆكی حكومەتی هەرێمی كوردستان، دەزانم گوێت لێمە، دەزانم دەنگمان دەبیستیت، دەزانم وێنەی كەمئەندامانت لەلایە، باش دەشزانن كە موچەی كەمئەندامان چەندە". . سامان كە عەلاگەیەكی پێبوو نزیكەی هەشت ملیۆن دیناری تێدابو و بەدەستێكی بەرزی كردەوە و بەدەستەكەی تریشی سەد هەزار دیناری بەرز كردەوە و ڕووی قسەكانی لەسەرۆكی حكومەت كرد و وتی"ئەوەیان موچەی یەك مانگی پەرلەمانتارێك، وەزیرێك، پلە باڵایەكە و ئەوەی دیكەشیان كە سەد هەزار دینارە موچەی كەمئەندامێكە، ئەوە دادپەروەری و یەكسانیەكەتانە لەموچەدا، ئەوەش چاكسازییەكەتانە؟". . سەرۆكی ڕێكخراوی كەمئەندامان داواشی لە میدیاكاران كرد ئەو دو وێنەیه‌ بكەنە سمیبولی نادادپەروەری. . سه‌رۆكی رێكخراوی كه‌مئه‌ندامان، جارێكی تریش باسی لە نەهامەتییەكانی كەمئەندامانی كرد كە تەنها سەد هەزاری موچە بەشی كەمترین پێداویستیەكانی ژیانیان ناكات، بەڵام گوێیان لێناگیرێت و بگرە موزایەدەیان بەسەرەوە دەكەن. . ئەوەش لەكاتێكدایە، بەگوێرەی هەواڵێكی سایتی پەرلەمانی كوردستان پاش پەسەندكردنی، ئەمڕۆ (دوشه‌ممه‌) یاسای چاكسازی بۆ واژۆكردنی ئاڕاستەی سەرۆكایەتی هەرێمی كوردستان كراوە. .