گه‌ڕان

Shadow Shadow

لەپەراوێزی كۆنگرەی بەرلیندا ڕەوەندی لیبی و كوردی دژی ئەردۆگان ڕژانە سەرشەقام

2020.01.19 - 20:57
لەپەراوێزی كۆنگرەی بەرلیندا ڕەوەندی لیبی و كوردی دژی ئەردۆگان ڕژانە سەرشەقام
ناس كورد- لە پەراوێزی كۆنگرەى بەرلین بۆ تاوتوێكردنی قەیرانە سەربازی و سیاسیەكانی لیبیا، ڕەوندی لیبیی و كوردی دژی ئەردۆگان خۆپیشاندانیان ئەنجامدا. . لەمیانی بەڕێوەچوونی كۆنگرەی بەرلین لەئەڵمانیا کە ئەمڕۆ (یەكشەممە، 19ی كانوونی دووەمی 2020)، دەستی بەكارەكانی كرد، بەمەبەستی تاوتوێکردنى قەیرانەكانی لیبیا، ڕەوەندی لیبی لەو وڵاتەدا لەدژی ئەردۆگان و سیاسەتی وڵاتەكەی بەرامبەر لیبیا خۆپیشاندانێكیان ئەنجامدا. . خۆپیشاندەران دروشمیان لەدژی دەستوەردانەكانی سوپای توركیا لە لیبیا بەرزكردەوە و هەموو جۆرە دەستوەردانێكی تری بیانیان لەكاروباری وڵاتەكەیان ڕەتكردەوە. .   ڕەوەندی لیبی لە ئەڵمانیا ڕەوانەكردنی سوپای توركیایان بۆ ناو خاكی وڵاتەكەیان بە "داگیركاریی" وەسف كرد، داواشیان لە کۆمەڵگەى نێودەوڵەتی كرد ئەردۆگان لەو كارانەی ڕابگرێت. . خۆپیشاندەران هۆشداری ئەوەشیاندا كە ئەنكەرە هەمان سنیاریۆى سوریا لە لیبیا دووبارە دەكاتەوە. . هەر لەخۆپیشاندانەكاندا، ڕەوەندی لیبی كۆمەڵێك دروشمیان بۆ پشتیوانی خەلیفە حەفتەر لەدژی میلیشیا چەكدارەكانی سوپای نیشتیمانی لیبیا بەرزكردەوە. . ژمارەیەكی زۆری ڕەوەندی كوردیش لە ئەڵمانیا بۆ دەربڕینی هاوسۆزی و پاڵپشتی بۆ ڕەوەندی لیبی بەشدارییان لەخۆپیشاندانەكان كردووە و دروشمیان دژی ئەردۆگان وتەوە. .