گه‌ڕان

Shadow Shadow

بەفر چەند ڕێگەیەکى سەرەکى ناوچە جیاجیاکانى هەرێم دادەخات

2020.01.13 - 22:33
بەفر چەند ڕێگەیەکى سەرەکى ناوچە جیاجیاکانى هەرێم دادەخات
ناس کورد- بەهۆی بەفربارین و نزمبوونەوەی پلەکانی گەرماوە، چەند ڕێگایەکی سەرەکی نێوان شارە و شارۆچکەکانی هەردوو پارێزگای هەولێر و سلێمانی داخراون. . بەڕێوەبەرایەتی هاتوچۆی پارێزگای هەولێر لە ڕاگەیەندراوێکدا ئاماژەی بەوەکردووە، بەهۆی بەردەوامبوونی شەپۆلی بەفربارین، سەرجەم ڕێگاکانی دەربەند، سەفین، هیران، هیران-شەقڵاوە، زینەتیر-ڕانیە-شەقلاوە گیراون و بۆ هاتوچۆ شیاو نین. . هۆشداری ئەوەشدراوە کە ئەگەری هەیە لە کاتژمێرەکانی داهاتوودا، ڕێگای هەولێر-شەقڵاوە ئاستەنگی هاتوچۆی بۆ دروست ببێت، بۆیە داوا لە هاوڵاتییان دەکات کە لە حاڵەتی زۆر پێویست نەبێت ئەو ڕێگایانە بەکارنەهێنن، تاکو بەفربارینەکە دەوەستێت و ڕێگاکان پاکدەکرێنەوە. . هاوکات، هاتوچۆی پارێزگای سلێمانی، لەڕاگەیاندراوێکدا شۆفێرانی ئاگادارکردەوە لە بەکارنەهێنانی تونێلی پێشڕه‌و به‌هۆی بارینی به‌فر له‌ سیته‌ك، داواشیکردووە هاوڵاتییان سه‌ردانی سیته‌ك‌ و ناوچه‌ی شارباژێر نه‌كه‌ن تا دۆخه‌كه‌ ئاسایی نەبێتەوە. . قائیمقامییەتی قەزای دوکانیش لە ڕاگەیاندراوێکدا، ئاماژەی بەوەکردووە، بە هۆی بەفربارینەوە  ئاستەنگی هاتوچۆ له سەر‌ ڕێگاکانی قەرەسرد، دابان، فریاد، کلکەسماق، خەلەکان و ڕانیە لە ناوچەی شێخ عبێد گرفتی هاتوچۆ درووستبووە،  هوشداریشیداوە لە بەکارهێنانی ئەو ڕێگایانە.