گه‌ڕان

Shadow Shadow

ترەمپ جارێکى تر هەڕەشە لە عێراق دەکات.. 35 ملیار دۆلارى ئەو وڵاتە لە بانکەکانماندایە

2020.01.11 - 11:12
ترەمپ جارێکى تر هەڕەشە لە عێراق دەکات.. 35 ملیار دۆلارى ئەو وڵاتە لە بانکەکانماندایە
ناس کورد-   دۆناڵد ترەمپ ڕایگەیاند، چەندین وڵات لەبەرامبەر جێگیرکردنى سوپاى ئەمریکا بۆ بەرقەرارکردنى ئاشتى وڵاتەکەیان پارە دەدەن، بۆ ئەو مەبەستەش دەتوانن سود لەو پارەیەوە وەربگرن کە عێراق لەبانکەکانى ئەمریکادا دایناوە کە بڕەکەى 35 ملیار دۆلارە. . لەچاوپێکەوتنێکدا لەگەڵ تۆڕى فۆکس نیوز، دۆناڵد ترەمپ لەسەر کاردانەوەکانى عێراق دواى ڕوداوى کوشتنى سولەیمانى و موهەندیس بۆ چونە دەرەوەى هێزەکانى ئەمریکا ڕایگەیاندووە، ئەو کێشەیەکى لەگەڵ ئەو پرسەدا نییە بەڵام بەشێوەیەکى گشتى عێراقییەکان باس لەوە دەکەن و لەکۆبوونەوە تایبەتەکانیشدا بەرپرسانى ئەو وڵاتە هیچ داوکارییەکى لەو شێوەیەیان نەکردووە. . سەرۆکى ئەمریکا ئاماژەى بۆ ئەوەشکردووە، ئەوان لەعێراقدا گرانترین فڕۆکەخانە و سەربازگەیان دامەزراندووە و ئەگەر ئەو وڵاتە بەجێبهێڵن دەبێت ئەو خەرجیانە بدەن. . وتوشیەتى  "چەند وڵاتێک لەوانە عەرەبستانى سعودیە و کۆریاى باشور لەبەرامبەر بوونى سەربازانى ئەمریکا بۆ بەرقەرارکردنى ئاشتى پارە دەدەن". . ترەمپ ڕونیشى کردووەتەوە ئەوەى بە شاى سعودیە وتووە کە بۆ بەرقەرارکردنى ئاشتى دەبێت ئەو وڵاتە پارەى زیاتر بدات ئەوان کارەکەیان کرد و یەک ملیار دۆلاریان خستە سەر هەژمارى بانکیەکەیان. . لەبارەى پارە وەرگرتن لەعێراق لەبەرامبەر بوونى هێزەکانیان لەعێراقدا، ترەمپ وتى "عێراق پارەیەکى زۆریان لەلامانە، 35 ملیار دۆلاریان لەبانکەکانماندایە". . لەبەشێکى ترى چاوپێکەوتنەکەیدا ترەمپ باسى لەهۆکارەکانى کوشتنى قاسمى سولەیمانى لەلایەن ئەمریکاوە کردووە، کە بەوتەى ئەو پلانى هێرشکردنە سەر چوار باڵیۆزخانە و چەند بنکەیەکى سەربازى ئەمریکا لەعێراق و ناوچەکەدا هەبووە.