گه‌ڕان

Shadow Shadow

مایک پۆمپیۆ: نامانەوێت دۆخەکە ئاڵۆزتر بێت

2020.01.03 - 16:21
مایک پۆمپیۆ: نامانەوێت دۆخەکە ئاڵۆزتر بێت
ناس کورد- وەزیری دەرەوەی ئەمریکا ڕایگەیاند، کوشتنی قاسم سولەیمانی تەواو یاسایی بووە، چونکە زانیاریان هەبووە لە پلانێکیی بۆسەر بەرژەوەندییەکانی ئەمریکا، ئاماژەی بەوەشکرد، نایانەوێت دۆخەکە ئاڵۆزتر بێت. ، له‌ چاوپێکەوتنێکی لەگەڵ كه‌ناڵی سی ئێن ئێنی ئه‌مه‌ریكی، مایك پۆ مپیۆ، وه‌زیری ده‌ره‌وه‌ی ئه‌مه‌ریكا رایگه‌یاند: "کوشتنی قاسم سولەیمانی تەواو یاسایی بووە، چونکە دەستی هەبووە لە کوشتنی چەندین کەسی ئەمریکیدا و زانیاریشمان هەبووە پلانی بۆ وەشاندنی گورز بۆ سه‌ر چەند ئامانجێکی ستراتیژی دیکە هەبووە لە وڵاتانی هاوپەیمانمان لەناوچەکەدا". ، وتیشی: "گورزە ئاسمانیەکانمان بۆ خۆپاراستن و بۆ رێگه‌گرتن بوو له‌ سەرکەوتنی پلانی هێرشێکی ئەوان بۆ سه‌ر به‌رژه‌وه‌ندییه‌كانكمان، واتە کێشەکە تەنیا هەڕەشەکان و پلانەکانی ناو عێراق نەبوون". ، هاوکات وەزیری دەرەوەی ئەمریکا ئاماژەی بەوەکرد، نایانەوێت دۆخەکە ئاڵۆزتر بێت و لە ئاییندەیەکی زۆر نزیکیشدا هەموو زانیاریە پێویستەکان دەخەنەڕوو کە چۆن دڵنیابوون لە پلانی هێرشێکی زۆر مەترسیداری "گروپەکەی قاسم سولەیمانی"، بۆیە دەبوو ئەو کارە بکەن. ، به‌ره‌به‌یانی ئه‌مڕۆ (هه‌ینی) له‌ بۆردومانێكی ئه‌مریكادا بۆ سه‌ر كاروانی ئۆتۆمبێله‌كانی فه‌رمانده‌ی فه‌یله‌قی قودسی ئێران، هه‌ریه‌ك له‌ قاسم سوله‌یمانی و ئه‌بو مه‌هدی موهه‌ندیس كوژران و له‌گه‌ڵ بڵاوبوونه‌وه‌ی هه‌واڵی كوژرانیان كاردانه‌وه‌ی جیاوازی لێكه‌وته‌وه‌.