گه‌ڕان

Shadow Shadow

خامنەیی: لەدەستدانی سولەیمانی ڕوداوێکی تاڵە

2020.01.03 - 09:18
خامنەیی: لەدەستدانی سولەیمانی ڕوداوێکی تاڵە
ناس كورد- لەپەیامێکیدا کەبەبۆنەی کوژرانی قاسم سولەیمانی و هاوڕێکانییەوە بڵاوی کردەوە، عەلی خامنەیی، ڕابەڕی باڵای شۆڕشی ئیسلامی ئێران ڕایگەیاند، قاسم سولەیمانی سەرکردەیەکی بەرەنگاری جیهانی بووە دژ بەئەمریکا و تاوانبارانی تری نێودەوڵەتی ئەوەی دەستی بۆ درێژ کردبێت تۆڵەی توندی لێدەکرێتەوە. . لەسەرەتای پەیامەکەی خامنەیی کورتەیەکی لەسەر مێژووی سیاسی و سەربازی قاسمی سولەیمانی و ڕۆڵی گەورەی ئەو لەبونیادنانی ئێران و هێزی سەربازی دوای كوده‌تادا گێڕاوەتەوە و بەسەرکردەیەکی جیهانی ناوی بردووە. . لەدرێژەی پەیامەکەیدا خامنەیی ئاماژەی بۆ ئەوە کردووە، تۆڵەیەکی قورس چاوەڕوانی ئەو تاوانبارانە دەکات کە دەستیان بەخوێنی قاسم سولەیمانی و هاوڕیکانی سوره‌ و دەشبێت ئەمریکا ئەوە بزانێت کە بەرگری و بەگژاچوونەوەی زیاتر دەبێت بەرەو سەرکەوتن و لەدەستدانی قاسم سولەیمانی ڕوداوێکی تاڵە بەڵام ڕوبەرووبونەوە و تۆڵە سەندنەوە بۆ ئەمریکا تاڵتر دەبێت. . به‌ره‌به‌یانی ئه‌مڕۆ (هه‌ینی) ئه‌مریكا راگه‌یه‌ندراوێكی له‌باره‌ی به‌ئامانجگرتنی كاروانی ئۆتۆمبێله‌كانی فه‌رمانده‌ی فه‌یله‌قی قودسی ئێرانی له‌ شاری به‌غدا بڵاوكرده‌وه‌ و تیایدا ئاشكرای كرد له‌ بۆردومانه‌كه‌دا هه‌ریه‌ك له‌ قاسم سوله‌یمانی، فه‌رمانده‌ی فه‌یله‌قی قودسی ئێران و مه‌هدی موهه‌ندیس، جێگری سه‌رۆكی حه‌شدی شه‌عبی كوژران. . به‌گوێره‌ی راگه‌یه‌ندراوه‌كه‌ ئۆپراسیۆنه‌كه‌ به‌ فه‌رمانی دۆناڵد تره‌مپ، سه‌رۆكی ئه‌مریكا ئه‌نجامدراوه‌ و وه‌ك تۆڵه‌كردنه‌وه‌یه‌ك بووه‌ به‌رامبه‌ر به‌ هێرشكردنه‌ سه‌ر باڵیۆزخانه‌ی ئه‌مریكا له‌ به‌غدا و بۆردومانكردنی سه‌ربازگه‌ی كه‌ی وه‌ن له‌ شاری كه‌ركوك. .