گه‌ڕان

Shadow Shadow

داعش هێرشی کردە سەر خەبازە لە کەرکوک و پۆلیسێکی کورد شەهید بوو

2019.12.24 - 23:10
داعش هێرشی کردە سەر خەبازە لە کەرکوک و پۆلیسێکی کورد شەهید بوو
  ناس کورد- ژمارەیەک چەکداری داعش هێرشیانکردە سەر کێڵگەیەکی نەوتی لە سنوری کەرکوک و بەهۆیەوە پۆلیسێکی کورد شەهید و دوو کەسی دیکەش برینداربوون. . سەرچاوەیەکی ئەمنی بە ماڵپەڕی سۆمەرییە نیوزی ڕاگەیاند، لەدوای کاتژمێر 8:00ی ئەمشەوەوە ژمارەیەک چەکداری داعش هێرشیان کردەسەر کێڵگەی نەوتی خەبازە لە سنوری کەرکوک. . ئاماژەی بەوەشکرد، دوای شەڕو ڕوبەڕوبونەوە لەنێوان چەکدارەکانی داعش و پۆلیسی نەوتی باکور، کارمەندێکی پۆلیس شەهید بووە و دوو کەسی دیکەش برینداربوون. . بەگوێرەی زانیارییەکان، ئەو پۆلیسەی شەهید بووە کوردە و ناوی وەلید حەمیدە، کە دانیشتووی قەزای خورماتوو بووە. . ئەوە لەکاتێکدایە، ماوەیەکە شانە نوستووەکانی داعش خۆیان ڕێکخستووەتەوە و ناوبەناو لە ناوچە سنورییەکانی نێوان هەرێم و عێراق چالاکی ئەنجامدەدەن.