گه‌ڕان

Shadow Shadow

ڕێژەى جیابوونەوە ڕوو لە هەڵکشانە

27 خێزان لە هەولێر داواى لە باربردنى کۆرپەلەیان کردووە و رەزامەندى لەسەر شەشیان دراوە

2019.12.24 - 13:48
27 خێزان لە هەولێر داواى لە باربردنى کۆرپەلەیان کردووە و رەزامەندى لەسەر شەشیان دراوە
ناس کورد-   لیژنەى فەتواى سەر بە لقى هەولێرى یەکێتى زانایانى ئاینى کوردستان ئامارەکانى ئەمساڵى بڵاوکردەوە و ڕایگەیاند "27 خێزان لە هەولێر داواى لە باربردنى کۆرپەلەیان کردووە و ڕەزامەندییان لەسەر شەش حاڵەت پیشانداوە". . لەمیانەى ئەنجامدانى کۆنگرەیەکى رۆژنامەوانیدا لیژنەى فەتواى سەر بە لقى هەولێرى یەکێتى زانایانى ئاینى کوردستان، ئاماژەى بەوە کرد "لەمساڵدا 27 خێزان سەردانیان کردوون بۆ لەباربردنى منداڵ و ڕێگەپێدانى شەرعى لەو بارەیەوە". . وتیشى"ئێمە لەسەر بنەماى ڕاپۆرتى پزیشکى بڕیار لەو بارەیەوە دەدەین، لەو ژمارەیە ڕەزامەندیمان لەسەر تەنها شەش حاڵەتداوە، ئەوەش بۆ ڕزگارکردنى ژیانى دایکەکان لە مردن". . لەبارەى ئامارى جیابوونەوە، لیژنەى فەتوا باسى لەوەکرد، لەناو سەدان حاڵەتى جیابوونەوەدا،  زیاتر لە 188 خێزان لەلایەن لیژنەکەیانەوە تەڵاقەکانیان بۆ چاککراوە و خێزانەکان لە هەڵوەشاندنەوە رزگارکراوون. . لیژنەکە جەختیکردەوە، ڕێژەى تەڵاق ڕوو لە هەڵکشانە، لەسنورى هەولێر و دەوروبەرى 510 حاڵەتى تەڵاق لەلاى لیژنەکەیان تۆمارکراون. .