گه‌ڕان

Shadow Shadow
سیاسه‌تی

پاڵپشتى رێکخراوە تیرۆریستییەکان دەکەن

راپۆرتى رێکخراوێک هاوپەیمانێتى قەتەر و تورکیا بە هاوپەیمانییەتی توندڕەو ناودەبات

2019.12.14 - 21:42
راپۆرتى رێکخراوێک هاوپەیمانێتى قەتەر و تورکیا بە هاوپەیمانییەتی توندڕەو ناودەبات
ناس کورد – رێکخراوى بەرگرى لە دیموکراسى هاوکارییەکی قەتەر و تورکیا بۆ پشتگیریکردنى ڕێکخراوە تیرۆرستییەکان لە سوریا ئاشکرا دەکات. . ئەمڕۆ(شەممە)، ڕێکخراوی بەرگری لە دیموکراسی، کە ڕێکخراوێکی ئەمریکییە ڕاپۆرتێکی دەربارەی هەماهەنگیە نهێنییەکانی نێوان تورکیا و قەتەر بۆ گروپە تیرۆرستییەکانی تورکیا بڵاوکردەوە. . ڕێکخراوی بەرگری لە دیموکراسی ڕایگەیاندوە: "لەماوەی هەشت ساڵی ڕابردودا لەو کاتەی کە لەسوریا ململانێیەکی زۆر هەبوە، بەشێوەیەکی نهێنی ڕۆڵێکی زۆر دیار و ئاشکرایان هەبوە لە پشتگیریکردن و یارمەتیدانی ڕێکخراوە تیرۆریستییەکان لەسوریا و پاڵپشتیان کردوون". .     ڕێکخراوەکە ئاماژەی بەوە داوە:"هاوپەیمانیەتەکە لەنێوان قەتەر و تورکیا و جەبهەی نوسرە بووە، هەرسێ لایەنەکە پێکەوە بەشداربوون و پشکیان هەبووە لەو دۆخە خراپەی کە لەهەندێک ناوچەی سوریا دروست بووە". . ڕێکخراوەکە وتوشیەتی :"تورکیا و قەتەر بەهاوبەشی هاوکاری سەربازیان داوە بە جەبهەی نوسرەی سەر بە قاعیدە و چەند گروپێکی دیکەی تیرۆستی لە سوریا بە ڕووبەڕووبوونەوەی حکومەتی سوریا و لەو هاوپەیمانێتیەدا قەتەر پارەدەر و پاڵپشتیکەری دارایی بوە و تورکیاش ڕێگای گواستنەوە پارە و هاوکارییەکان بووە". . ئەو رێکخراوە ئەمریکییە وتوشیەتی: "ئەو هاوپەیمانیەتە هاوبەشی تورکیا و قەتەر بووەتە هۆی دروستکردنی مەترسی بۆ سەر بەرژەوەندییەکانی ئەمریکا و هاوپەیمانەکانی لەرۆژهەڵاتی ناوەڕاست".   .     لەدرێژەی ڕاپۆرتەکەدا هاتوە: "تورکیا و قەتەر چەندین کەتیبە و گروپی چەکداریان دروستکردووە لەسوریا کە گەورەترینیان "سوپاى فەتح" بوە بە سەرۆکایەتی جەبهەی نوسرە لە ساڵی 2015، کە لە ئێستادا زۆرینەی ئەندامانی ئەو هێزە لە ئیدلب و عەفرین و گرێ سپین". . بەپێی زانیارییەکان ئەو ڕێککەوتنە ساڵی 2013 ئەنجامدراوە و لە قەتەر  و بەشێوەیەک بوە کە بڕی 150 ملیۆن دۆلار لەلایەن قەتەرەوە دراوە بە جەبهەی نوسڕە و بەشێک لە هاوکارییەکانیشیان بەناوی هاوکاری مرۆییەوە ناردوە بۆ ئەو گروپە".   .