گه‌ڕان

Shadow Shadow
سیاسه‌تی

سۆران عومەر: هەوڵ دەدرێت بەنوسراوى ساختە دوگى بەستوى قاچاخ هاوردە بکرێت

2019.12.07 - 18:40
سۆران عومەر: هەوڵ دەدرێت بەنوسراوى ساختە دوگى بەستوى قاچاخ هاوردە بکرێت
ناس کورد- سۆران عومەر، ئەندامى پەرلەمانى کوردستان لە فراکسیۆنى کۆمەڵى ئیسلامى کوردستان رایگەیاند، دەویسترێ بەنوسراوی ساختەى وەزیری کشتوکاڵ دوگی بەستوی قاچاخ لەباشماخەوە هاوردەى هەرێمى کوردستان بکرێ. . سۆران عومەر، پەرلەمانتارى فراکسیۆنى کۆمەڵى ئیسلامى لەهەژمارى خۆى لە فەیسبوک ئاماژە بە نووسراوێک دەکات کە بەگوێرەى نووسراوەکە وەزیرى کشتوکاڵى هەرێم رێگە بە کۆمپانیایەک دراوە 10 هەزار تۆن دوگى بەستوو لە رێگەى مەرزى باشماخەوە هاوردەى هەرێمى کوردستان بکات کە مادەیەکى رێگەپێنەدراوە. .   ئەو پەرلەمانتارە روونیدەکاتەوە، پەیوەندى بە وەزیرى کشتوکاڵەوە کردووە و دڵنیایى داوە پێى کە نووسراوەکە ساختەیە و رێکارى یاسایى لەو بارەیەوە دەگیرێتە بەر. . سۆران عومەر ئەم کارە بە کارەسات ناودەبات و ئاماژە بەوە دەکات "کارەساتەکە لەوەدایە بەم نوسراوە لە مەرزی باشماخەوە بەم نوسراوە دوگی قاچاخ بھێنرێ". .   دەشڵێت "پێویستە ئەوەی ئەم تەزویرەی کردوە بدۆزرێتەوە و دەستگیر بکرێ ئایا نوسراو و مۆر و ئیمزای وەزارەتی تەزویر کردوە یان لەوەزارەتدا بە بێ ئاگاداری وەزیر مۆر و نوسراو و واژۆی وەزیری کردوە!". . دەشڵێت "پێویستە ئەو کۆمپانیایە دەستگیر بکرێ ئەگەر ھەیە ئەگەر نیە کێن بەناوی ئەم کۆمپانیاوە ئەمەیان کردوە". . سۆران عومەر روونیدەکاتەوە قسەشیان لەگەڵ بەڕێوەبەری گومرگی باشماخ کردووە و دەرکەوتووە کە ڕێگەیان نەداوە کار بەنوسراوەکە بکرێ چونکە گومانیان لەنوسراوەکە ھەبووە. .