گه‌ڕان

Shadow Shadow
سیاسه‌تی

پێویستە حکومەتى هەرێم نەکەوێتە تەڵەى ئەردۆغانەوە

هاوسەرۆکى پەیەدە ڕەخنە لەسەردانەکەى مەسرور بارزانى بۆ تورکیا دەگرێت

2019.12.01 - 16:38
هاوسەرۆکى پەیەدە ڕەخنە لەسەردانەکەى مەسرور بارزانى بۆ تورکیا دەگرێت
ناس کورد-   هاوسەرۆکى پارتى یەکێتى دیموکراتى (پەیەدە) ڕەخنەى لە سەردانەکەى مەسرور بارزانى گرت بۆ تورکیا و ڕایگەیاند، پێویستە حکومەتى هەرێم نەکەوێتە تەڵەى ئەردۆغانەوە کە دەیەوێت دەنگى کورد پەرتبکات. . هەفتەى ڕابردوو مەسرور بارزانى سەرۆکى حکومەتى هەرێم سەردانى تورکیاى کرد و لەگەڵ وەزیرى دەرەوە و سەرۆک کۆمارى ئەو وڵاتە کۆبووەوە. . شاهۆز حەسەن هاوسەرۆکى پارتى یەکێتى دیموکراتى (پەیەدە) بە ئاژانسى هاوار نیوزى ڕاگەیاند "ئەردۆغان تەنها ماوەتەوە، هیچ پشتیوانییەکى لە وڵاتانى جیهان بەدەستنەهێناوە بۆ هێرشەکانى، بۆیە هەوڵدەدەدات ڕەوایی بە هێرشەکانى بدات". . وتیشى "هەروەها ئەردۆغان لە ڕێگەى داواکانى ئەم دواییەوە دەیەوێت دەنگى گەلى کورد پەرت بکات و ڕەوایی بە هێرشەکانى بکات، بۆیە پێویستە حکومەتى هەرێم و مەسرور بارزانى درک بەو خاڵە بکەن و نەکەونە ناو تەڵەکەى ئەردۆغانەوە". . شاهۆز حەسەن باسى لەوەشکردووە، دیدارەکەى مەسرور بارزانى لەگەڵ بەرپرسانى تورکیا لەم قۆناغەدا کە گەلى کورد ڕوبەڕووى کارەسات بووەتەوە "نامەنتیقییە و پێویستە حکومەتى هەرێم بەباشى درک بەوە بکات، گەلى ئێمە ڕەخنە لەو جۆرە دیدارانە دەگرێت". . لە بارەى داواکانى یەکڕیزى کوردەوە لە ڕۆژئاواى کوردستان، هاوسەرۆکى پەیەدە دەڵێت، لەسەر هێزە سیاسییەکان لە ڕۆژئاوا و باشور و باکور و ڕۆژهەڵاتى کوردستان پێویستە گوێ لەو دەنگانە بگرن کە داواى یەکڕیزى دەکەن.