گه‌ڕان

Shadow Shadow
سیاسه‌تی

زیاتر لە 105 ملیۆن بەرمیل نەوت هەناردەکراوە

عێراق لە مانگى ڕابردوودا بە بەهاى زیاتر لە شەش ملیار دۆلار نەوتى هەناردەکردووە

2019.12.01 - 15:49
عێراق لە مانگى ڕابردوودا بە بەهاى زیاتر لە شەش ملیار دۆلار نەوتى هەناردەکردووە
ناس کورد-   وەزارەتى نەوتى عێراق ڕایگەیاند، مانگى ڕابردوو زیاتر لە 105 ملیۆن بەرمیل نەوت هەناردەکراوە، کە داهاتەکەى زیاتر لە شەش ملیار دۆلار بووە. . عاسم جیهاد وتەبێژى وەزارەتى نەوت لە ڕاگەیەنراوێکدا ڕایگەیاند، لە مانگى تشرینى دووەمدا لە کێڵگەکانى ناوەڕاست و باشورى عێراق 102 ملیۆن و پێنج هەزار و 95 بەرمیل نەوت هەناردەکراوە. . وتیشى "لە کێڵگەکانى کەرکوکەوە دوو ملیۆن و 381 هەزار و 65 بەرمیل نەوت هەناردەکراوە، لە کێڵگەى گەیارەش 293 هەزار و 962 بەرمیل هەناردەکراوە، هەروەها 334 هەزار و 650 بەرمیل هەناردەى ئوردن کراوە". . عاسم جیهاد باسى لەوەکرد، کۆى هەناردەى ڕۆژانەى نەوت گەیشتووەتە سێ ملیۆن و 500 هەزار بەرمیل نەوت، کە سێ ملیۆن و 400 هەزار بەرمیلى ڕۆژانەى لە بەندەرى بەسرەوە هەناردەکراوە، لە بەندەرى جەیهانیشەوە کۆى گشتى هەناردەى نەوت 79 هەزار بەرمیل بووە، لە کێڵگەى گەیارەش 10 هەزار بەرمیل نەوت بووە، هەناردەى ڕۆژانەش بۆ ئوردن 11 هەزار بەرمیل بووە. . بەوتەى عاسم جیهاد، نرخى هەر بەرمیلێک نەوت لەو مانگەدا بە 59 دۆلار و 821 سەنت فرۆشراوە.