گه‌ڕان

Shadow Shadow
سیاسه‌تی

هۆشداریمان دابوو کە داعش کۆتایی نەهاتووە

 مەسرور بارزانی: هێرشەکەى کوڵەجۆ نیشانیدەدات کە داعش بە تەواوی تێکنەشکێنراوە

2019.11.30 - 13:09
 مەسرور بارزانی: هێرشەکەى کوڵەجۆ نیشانیدەدات کە داعش بە تەواوی تێکنەشکێنراوە
ناس کورد –   سەرۆکی حکومەتی هەرێمی کوردستان ڕایگەیاند، هێرشەکەى کوڵەجۆ نیشانیدەدات کە داعش بە تەواوی تێکنەشکێنراوە و پێشتر هۆشداریان دابوو لەوەی هێشتا داعش کۆتایی نەهاتووە. . ئەمڕۆ، شەممە، 30ی تشرینی دووەمی 2019، مەسرور بارزانی سەرۆكی حكومەتی ھەرێمی كوردستان پەیامێكی لەبارەی ھێرشەكەی شەوی رابردووی داعش بۆسەر ناحیەی كوڵەجۆ بڵاوكردەوە. . مەسرور بارزانی ڕایگەیاندووە "ئەم هێرشەی تیرۆریستانی داعش، نیشانیدەدات کە ئەم رێکخراوە تیرۆریستییە هێشتا بە تەواوی تێکنەشکێنراوە و ئێمەش لەمبارەوە چەندین جار هوشداریمان داوە". . وتیشی "بۆیە پێویستە کۆمەڵگەی نێودەوڵەتی لە هاوکاریکردنی هەرێمی کوردستان و عێراق بەردەوام بێت بۆ رووبەڕووبوونەوەی داعش، کارکردن لە پێناو نەهێشتنی ئەو هۆکارانەی دەبنە هۆی سەرهەڵدان و چالاکبوونەوەی رێکخراوە تیرۆریستییەکان". . شەوی ڕابردوو ژمارەیەک چەکداری داعش هێرشیان کردە شارۆچکەی کوڵەجۆی سەر بە کفری و بەهۆیەوە دوو کارمەندی ئاسایشی کوڵەجۆ و بەڕێوەبەری ئاسایشی کوڵەجۆ شەهید بوون.