گه‌ڕان

Shadow Shadow
سیاسه‌تی

هەسەدە ئاماری 24 کاتژمێری ڕابردووی هێرشەکانی تورکیای بڵاوکردەوە

2019.11.17 - 18:19
هەسەدە ئاماری 24 کاتژمێری ڕابردووی هێرشەکانی تورکیای بڵاوکردەوە
ناس کورد- هەسەدە لە 39هەمین ڕۆژی بەرخۆدانی ڕۆژئاوادا دژی تورکیا، ئاماری ڕووداوەکانی 24 کاتژمێری ڕابردووی ڕۆژئاوای بڵاوکردەوە و ڕایگەیاند، تورکیا بەردەوام لە هێرشەکانی و بە چەکی قورس و فڕۆکەی بێ فڕۆکەوان بۆردومانی تەلتەمەر و عەین عیسا، دەکات. . هێزەکانى سوریاى دیموکرات (هەسەدە) راگەیەندراوێکى بڵاوکردەوە و تیایدا ئاماژەى بەوە کرد "میلیشیاکانی تورکیا لە 39هەمین ڕۆژی هێرشەکانیاندا، بەردەوامن لە هێرش بۆ سەر ڕۆژئاوا و فڕۆکە بێ فڕۆکەوانەکانی تورکیا بەسەر ئاسمانی تەلتەمەردا سوڕاونەتەوە و گوندەکە بۆردومان کردووە". . هاوکات ئاماژە بەوەشکراوە، گوندی عەین عیسا و گوندەکانی دیکەی دەوروبەری بە تانک و فڕۆکەی بێ فڕۆکەوان بۆردومانی قورس کراوون. . لەراگەیەندراوەکەى هەسەدەدا روونکراوەتەوە، بەهۆی ئەو بۆردوومانانەوە، زیانێکی مادی زۆر بەر ماڵی هاووڵاتیانی سڤیلی ئەو ناوچانە کەوتوون. . بەگوێرەی ڕاگەیەندراوەکەی هەسەدە، سوپای تورکیا و میلیشیاکانى تورکیا نەیانتوانیوە هیچ پێشڕەوییەک بکەن و لەو ڕووبەڕووبوونەوانەدا دوو شەڕڤان شەهید بوون و دووانی دیکەش برینداربوون. .