گه‌ڕان

Shadow Shadow
سیاسه‌تی

مەزڵوم کۆبانى داوا دەکات کار بە پێشنیازەکەى هەسەدە بۆ تێکەڵبوون بە سوپاى سوریا بکرێت

2019.10.31 - 09:09
مەزڵوم کۆبانى داوا دەکات کار بە پێشنیازەکەى هەسەدە بۆ تێکەڵبوون بە سوپاى سوریا بکرێت
ناس کورد- فەرماندەی گشتیی هەسەدە ڕەتی دەکاتەوە بەو شێوازە تێکەڵبوونەی هەسەدە بە سوپای سوریا ڕازی بێت کە لەلایەن وەزارەتی بەرگریی سوریاوە پێشنیازکرا، باس لە پێشنیازێک دەکات کە لەلایەن هەسەدەوە خراوەتەڕو. , مه‌زڵوم كۆبانى‌، فه‌رمانده‌ی گشتیی هێزەکانی سوریای دیموکرات (هه‌سه‌ده)‌ لە تویتێکدا ڕایگەیاند: "پێشوازی لەو‌ شێواز و ڕێگه‌ و پێشنیازەی وه‌زاره‌تی به‌رگریی و ناوخۆی سوریا ناکەین، کە بۆ تێکەڵبوونەوەی هێزەکانی ئێمە لەگەڵ هێزەکانی حکومەتی سوریادا خستویانەتەڕو، پێمان وایە شێوازی تێكه‌ڵبوونه‌وه‌ی 'تاك به‌ تاك'مان به‌ سوپای سوریا کارێکی ڕاست نییە". , فەرماندەکەى هەسەدە ئاماژه‌ی به‌وەشکردووه:‌‌ "له‌برى ئەو پێشنیازە، باشتر وابوو وه‌زاره‌تی به‌رگریی سوریا ڕێگه‌چاره‌یه‌ك له‌به‌ر ڕۆشنایی ئه‌و پێشنیازانه‌ بخاته‌ڕو كه‌ ئێمه‌ پێشتر پێشكه‌شمان كردوون". , کۆبانى لەبارەى پێشنیازەکەیانەوە دەڵێت: "پێشنیازه‌كانی ئێمە تایبەتمەندێتی هێزەکانمانی لەبەرچاوگرتوە، لەسەر بنەمای جوگرافی و تایبەتمەندی هێزەکان داڕێژراوە، له‌ ناوچه‌ی‌ دیاریكراو‌ی باكور و ڕۆژهه‌ڵاتی سوریا-ڕۆژئاوای كوردستان". , وتەکانى مەزڵوم کۆبانى پاش ئەوە دێت، دوێنێ چوارشه‌ممه‌ 30ی تشرینی یه‌كه‌می 2019، هه‌ردوو وه‌زاره‌تی به‌رگریی و ناوخۆی سوریا بانگهێشتی هێزه‌كانی سوریای دیموكرات و هێزه‌كانی ئاسایشی ڕۆژئاوای کوردستانیان كرد کە بچنه‌ نێو ڕیزی سوپا و پۆلیسی سوریا بۆ روبەڕوبوونەوەی هێرشه‌كانی توركیا. , هەردوو وەزارەتەکەی سوریا داوایان لە شەڕڤانان کرد، هەر کەسێکیان بەشێوەی تاک، واتە خودی خۆی بچێت پەیوەندی بکات بە حکومەتەوە و خۆی ڕادەست بکات و ببێتە ئەندامی هێزەکانی حکومەتی سوریا. , ,