گه‌ڕان

Shadow Shadow
سیاسه‌تی

چیرۆکى ئەو پیاوە بە ڕەگەز عەرەبەى کودەتاى بەسەر داعشدا کرد و بوە هۆى کوشتنى خەلیفەکەى

2019.10.30 - 16:49
چیرۆکى ئەو پیاوە بە ڕەگەز عەرەبەى  کودەتاى بەسەر داعشدا کرد  و بوە هۆى کوشتنى خەلیفەکەى
ناس کورد- باوەڕپێکراوترین پیاوی بەڕەگەز عەرەبی داعش، هەواڵگری کورد و ئەمریکییەکان دەرچو، هەر ئەویش ئەمیرەکەى بەدەستەوەدا و کوژرا، وەک ڕاپۆرتێکى واشنت پۆست بەوردى باسیلێوەکردووە. , ڕۆژى 27ی تشرینى یه‌که‌مى 2019، هه‌واڵى کوژرانى ئه‌بوبه‌کر به‌غدادى ئەمیری داعش، سەرجەم میدیاکانی جیهانی داگیرکرد و دۆناڵد تڕەمپ بە فەرمی ڕایگەیاند: "بە هاوکاری هەسەدە لە ئۆپراسیۆنی کوشتنی بەغدادی سەرکەوتوبوین". , واشنتن پۆست، چیرۆکی کەسێکی بڵاوکردووەتەوە کە ئەو هاوکاری دەزگای هەواڵگری هەسەدە بوە، ماوەیەکی زۆر لەگەڵ ئەبوبەکر بەغدادیدا کاری کردووە و زۆر لێی نزیک بوەتەوە و سەرجەم زانیارییەکانی بەغدادی بە هەسەدە داوە، لەڕێی ئەوانیشەوە زانیارییەکان بە ئەمریکا گەیشتون. , ئەوەش ئاشکراکراوە: "ئەو هەواڵگرە کە ئەو کارەی بۆ هەسەدە کردووە، تا ئێستا ناوی ئاشکرا نەکراوە، بەڵام هاوڵاتییەکی عەرەبی سونەیە و ڕۆژانە سەردانی ماڵی ئەبوبەکر بەغدادی کردووە و لە خێزانەکەی بەغدادیشەوە زۆر نزیک بوە و بە درێژایی هاوینی ئەمساڵ زانیاری وردی لەسەر ماڵەکەی بەغدادی و ژورەکانی بە هەسەدە داوە". , واشنتن پۆست ئاماژەی بەوەشکردووە، ئەو هەواڵگرە، لەگەڵ خێزانەکەیەدا دوو ڕۆژ پێش ئەنجامدانی ئۆپراسیۆنەکە شاری ئیدلبیان بەجێهێشتوە. , "بەهۆی ئەوەی کەسێکی نزیکی ئەو کەسە لە چەند مانگی ڕابردوودا لەلایەن داعشەوە کوژراوە، بۆیە پەیوەندی کردووە بە هەسەدەوە بۆ ئەوەی تۆڵە لە بەغدادی بکاتەوە و بەدەستگیرکردن یان بە کوشتنی بدات"، وەک واشنتن پۆست چیرۆکەکەى گێڕاوەتەوە و ئەو هەواڵگرەى هەسەدەشی بە ئەنجامدانى کودەتا بەسەر داعشدا ناوزەند کردووە. , پاش کوشتنى بەغدادى، مەزڵوم کۆبانى، فەرماندەی گشتیی هەسەدە بە تۆڕی کەناڵی ئێن بی سیی ئەمریکی وتوە: "ئەو هەواڵگرە زۆر بەسود بوە و چەند هەفتەیەک پێش ئێستا، پارچەیەک لە جلەکانی ژێرەوەی بەغدادی بۆ هێناوین و پشکنینى (دى ئێن ئەی)مان بۆ کردووە، بۆمان دەرکەوتوە کە خودى بەغدادییە". , هەروەها میدیا ئەمریکییەکە باسی لەوەشکردووە: "ئەبوبەکر بەغدادی چەند مانگێک پێش ئەوەی بکوژرێت، تا ئەو کاتەی کوژراوە چەندین جار شوێنی مانەوەکەی گواستوەتەوە، هەروەها کەسێکیش بوە هاتوچۆی زۆر کردووە و هەر کاتێکیش هاتوچۆی کردووە پشتێنەیەکی بۆمبڕێژکراوی بەخۆیەوە بەستوە، بۆ ئەوەى گەر بکەوێتە کەمینەوە خۆی بتەقێنێتەوە". , ئاماژە بەوەشکراوە، خه‌ڵکی گوندی باریشای سوریا که‌ هێزه‌کانی ئه‌مه‌ریکا شه‌ممه‌ی ڕابردوو، ئه‌بوبه‌کر به‌غدادی-یان تێدا کوشت و خانوەکەیان خاپور کرد، پێشتر وایانزانیوه‌ ئه‌و که‌سه‌ی له‌و ماڵه‌دا ده‌ژی بازرگانی قوماشه‌. , بەغدادی له‌ ماڵێکی گه‌وره‌ی ده‌وره‌دراو به‌ دیواری چیمه‌نتۆ ژیاوە، که‌ ڕوبه‌ره‌که‌ی 500 مه‌تر بوە، له‌ گوندی باریشا. , یه‌کێک له‌ دانیشتوانی گونده‌که‌ بە واشنتن پۆستی وتوە: "بەغدادی له‌ ماڵێکی گه‌وره‌دا ده‌ژیا، ئه‌و که‌سه‌ی له‌و خانوه‌دا بو به‌ 'ئه‌بو محه‌مه‌د حه‌له‌بی' بازرگانی قوماش ناسرابو، دراوسێکانی به‌غدادی وایانده‌زانی خێزانێکی ئاواره‌ن هاتونه‌ته‌ ناوچه‌که و بازرگانی قوماشن". , ,